Қазақстанда азаматтарды қағаз жүзінде ғана емдеп, МӘМС қаражатын жымқыру деректері бойынша 36 қылмыстық іс қозғалып, мемлекетке келген шығын 3,5 миллиард теңгеден асқаны анықталды. Бұл схемалар шамамен 140 мың адамның жеке деректерін заңсыз пайдаланған.
Өңірлердегі заңбұзушылықтар
- Түркістан облысы: Жетісай көпсалалы аудандық ауруханасы қызмет көрсетпесе де, ақшаны 20-дан астам жеке кәсіпкердің шотына аударған (шығын — 501 миллион теңгеден асты
- Астана қаласы: «Forte Clinic» клиникасының басшысы 5 жылға, ал ұлттық орталық қызметкері 3 жылға сотталды (15 мыңнан астам адам заңсыз тіркеліп, 79 миллион теңге жымқырылған
- Алматы облысы: Стоматологиялық клиникалардың басшысы 4 жылға сотталды (4,5 мың жалған қызмет үшін 66 миллион теңге шығын келген
«Стоматологиялық қызмет көрсету кезіндегі алаяқтық үшін. Іс жүзінде пациенттерге қызмет көрсетілмеген, ал ресімдеу үшін дәрігерлердің есептік жазбалары мен кәмелетке толмаған пациенттердің жеке деректері пайдаланылған. Нәтижесінде 4,5 мыңнан астам жалған медициналық қызмет көрсету жағдайы анықталды, ал мемлекетке келтірілген залал 66 миллион теңгені құрады», — деп нақтылады агенттікте.
