«Ring the Bell for ALL Women and Girls: Rights. Equality. Empowerment», сауда орталығының ашылу салтанатында сөз сөз алған бизнес -ханшайымдар өздерін бизнес ортада, инвестициялық ортада еркін сезіне бастағанын ашып айтты. Айтпақшы, халықаралық деңгейде өткен бұл жиынның атауы барлық әйелдер үшін мүмкіндіктер есігі» деген үғымға жақын екен.
«KASE клиринг орталығы» АҚ басқарма төрағасы Наталья Хорошевская атап өткендей, орталық жыл сайын өз клиенттері, биржа мүшелері және листингтік компаниялар арасында қазіргі таңда олардың құрылымдарындағы әйелдер туралы сауалнама жүргізеді. «Биыл зерттеуге 79 компания қатысты және оның нәтижелері бойынша KASE клиенттерінің құрылымында бизнес бойынша орташа алғанда гендерлік паритет іс жүзінде сақталуда. Алайда, егер басқару деңгейлері бойынша бөлуді қарастырсақ, жағдай өзгереді. Егер орта буында бұл шамамен 43% болса, атқарушы органдарда — 23%, ал директорлар кеңестерінде — небәрі 18% «, — деп атап өтті Наталья Хорошевская.
Наталья Хорошевская атап өткендей, «тарихи тұрғыдан алғанда әйелдер ерлермен салыстырғанда қор нарығының құралдарына инвестициялауға бейім емес деген пікір қалыптасқан. Олар, әдетте, тәуекелге неғұрлым сақтықпен қарайды, ұзақ мерзімді және төмен тәуекелді стратегияларды қалайды, акцияларға сирек инвестициялайды және банк шоттарына қаражатты орналастыруды жиі таңдайды. Алайда, әйелдердің инвестициялық стратегиясындағы трендтер туралы жаңа деректер әлемдік нарықтағы осы трендтердің өзгергенін білдіреді.
Қазақстандағы «БҰҰ-әйелдер» құрылымы кеңсесі басшысының міндетін атқарушы Дина Әмрішеваның айтуынша, Біріккен Ұлттар Ұйымында БҰҰ-ның Орталық Азия мен Ауғанстан үшін орнықты даму мақсаттары жөніндегі өңірлік орталығын құру туралы шешім қабылданды. . Бұл дегеніңіз БҰҰ-ға мүше 156 мемлекет Қазақстан осы орталықтың жұмысын біртіндеп ұйымдастырады деген шешім мен қарарды бірауыздан қабылдағанын білдіреді. «Бұл дипломатиялық әлем, халықаралық қоғамдастық кеңістігіндегі үлкен жетістік. Бұл біз үшін де тарихи оқиға және үлкен жетістік, — деді кездесуде Дина Әмірішева.
Нарықтың басқа бір сарапшысы — «Фридом Финанс» АҚ сыртқы байланыстар жөніндегі атқарушы директоры Михаил Новоселовтың пікірінше, әлемдік трендтерді ұстанамыз. Егер Америкаға, Еуропаға қарайтын болсақ, жастардың инвестицияларға деген қызығушылығы алдыңғы ұрпаққа қарағанда едәуір жоғары.. Қазақстанда дәл осындай үрдіс байқалады. Оның айтуынша, орташа статистикалық инвестор — 25-40 жас аралығындағы жоғары білімді жас маман. Алайда ол әйел инвесторлардың ерлерге қарағанда басқаша стратегиясы бар екенін атап өтті. «Әйелдер капиталды сақтап қалуға бейім, олар тез ақша табуға және тәуекелге ұмтылмайды. Олардың көзқарасы неғұрлым ұтымды және салмақты», деп атап өтті спикер.
Ол сондай-ақ әйелдердің «қызу» тақырыптарға сирек инвестиция салатынын айтты. «Егер хайп идеясы пайда болса, ерлер бірден сатып алуға ұмтылады, ал әйелдер алдымен тәуекелдерді анықтап, бағалап, содан кейін ғана шешім қабылдайды. Бұл өте жақсы, себебі мұндай тәсіл әлдеқайда тұрақты» дейді Новоселов.
Оның пікірінше, трендтер әйелдердің инвестицияларды сенімді игеретінін, ал олардың қор нарығындағы үлесі тек өсетінін растайды.
