Оның ішінде BI Group және BAZIS салушылары төлем жасады, деп хабарлайды ҚР Қаржы министрлігі.
Бұған дейін премьер-министр Олжас Бектенов бұл кәсіпорындарды салықтан жалтаруда деп айыптаған болатын.
Қаржы министрлігі өз хабарламасында 633 компанияға, оның ішінде құрылыс саласында жұмыс істейтін 172 (барлық ірі құрылыс салушыларды қоса алғанда) және сауда саласында 102 компанияға хабарлама жібергенін атап өткен.
«Бұдан басқа, жекелеген ірі құрылыс компаниялары қаржы ағындарының ашықтығы мен құрылыс саласындағы көлеңкелі схемалардың жолын кесу үшін қаржыландыруды және Мемлекеттік кірістер комитетімен бірлесіп цифрлық шешімдерді әзірлеуді бастама етіп отыр», — деп мәлімдеді ведомствода.
2025 жылғы 28 ақпанда Олжас Бектенов Bazis және BI Group құрылысшыларын салықтан жалтаруда айыптап, оларды және басқа да заң бұзушыларды қарыздарын екі апта ішінде өтеуге шақырды. Әйтпесе Бектенов бизнесті «қатал сөйлесумен» қорқытты. Бектенов мәлімдеген сәттен бастап компаниялардың қосымша салық төлеуі туралы ақпаратқа дейін тек 12 күн өтті.
1 наурызда Қаржы министрлігі Bazis-ке салық салынатын табысты 4,6 млрд теңгеге төмендету туралы хабарлама жібергенін мәлімдеді, BI Group-қа қатысты сома 2,5 еседен астам жоғары — 11,9 млрд теңге болып шықты. 11 наурызда BI Group құрылыс компаниясының мажоритарлық акционері Айдын Рахымбаев өзінің Facebook парақшасында премьер-министр мен Қаржы министрлігінің айыптауларына түсінік берді.
Бизнесменнің айтуынша, салықтық шағымдар BI-дан төлем алатын және арнайы салық режимін пайдаланатын мердігерлердің жұмысымен байланысты (қайсысы екені нақтыланбаған), Қаржы министрлігінің мәлімдемелері БАҚ-та дұрыс түсіндірілмеген, ал компаниялар «бөлшектенуге» тура келеді, себебі мұны заң талап етеді.
Олигархтың өзі көп шулап, истерика жасап жібергені болмаса, мәселенің BI Group-тың мемлекет айтқан салықты төлеуімен бітетінін бәрі білді
Сарапшы Айбар Олжаевтың айтуынша, Негізі олигархтың өзі көп шулап, истерика жасап жібергені болмаса, мәселенің BI Group-тың мемлекет айтқан салықты төлеуімен бітетінін бәрі біліп отырған еді. Шулайсың, жылайсың, бірақ салық төлейсің — бұл біздің бәрімізге түпкілікті келген жаңа парадигма.
«Мемлекеттік кірістер комитетінің мәліметінше, 633 салық төлеушіге, оның ішінде 172 құрылыс саласында (ірі құрылыс компанияларын қоса алғанда), 102 сауда және басқа да қызмет түрлерімен айналысатын компанияларға салық салынатын кірістерін төмендету белгілері бойынша хабарламалар жіберілді.
Бүгінге дейін 17 млрд теңге төленді, оның ішінде BI Group және BAZIS компаниялары да өз төлемдерін жүзеге асырды. Жаңағы 17 миллиард теңгенің 11 миллиард теңгеден астамын BI Group төлегені анық. Қалған құрылыс компаниялары, караоке, ресторандардың бәрін жинағандағы оборот пен BI обороты «тышқан мен піл» картинасын елестетеді.
Бүгін Айдын Рахымбаев «Кюблер-Росстың психологиялық кезеңдерінен» (отрицание — гнев — торг — депрессия — принятие) толық өтіп бітті. Жағдайды қабылдамау кезеңінде ол 2021 жылы болды. Одан кейін ашу кезеңінде жүрді. Артынан мемлекетпен саудаласты. Біраз уақыт депрессияда болды да, енді жағдайды толық қабылдап, талап етілген салықты төлеп тастады» дейді сарапшы. .
Енді еліміздегі 633 бизнесмен «Рахымбаевтың басқа жолымен» жүріп өтпек. Ал 2026 жылы қабылданатын жаңа Салық кодексінің жазбаша нұсқасы — Меломанда ең көп сатылатын бестселлер тізіміне енуі мүмкін.
