Бұл туралы, бүгін парламенттің баспасөз қызметінен белгілі болды.
Жаңа Салық кодексі 822 баптан тұрады, онда өзгелермен қатар:
- кейбір салалардың салық төлеушілері үшін корпоративтік табыс салығының мөлшерлемесін саралау,
- өңдеуді дамыту және жаңғыртуға пайданы қайта инвестициялауды ынталандыру үшін салықтық шегерімдерді кеңейту,
- салық және бюджетке төленетін басқа да міндетті төлемдер санын қысқарту, барлық арнаулы салық режимдерін оңтайландыру,
- салық жеңілдіктерін беру мониторингі және талдау бойынша тәсілдерді қайта қарау,
- қымбат мүлікке, алкоголь және темекі өнімдеріне салынатын салық мөлшерлемелерін арттыру.
Мәжіліс сол отырыста қаржы нарығын дамыту және қаржы қызметтерін тұтынушылардың құқықтарын қорғау мәселелері жөніндегі заң жобасын екінші оқылымда талқылауы тиіс.
Жұмыс барысында депутаттар:
- тұтынушылық кепілсіз онлайн-несиелерді беру кезінде «салқындату» кезеңін (жиырма төрт сағат) енгізуге,
- сондай-ақ несие алуға алғаш рет өтініш берген азаматтардың банк бөлімшесінде немесе ХҚҰ-да міндетті түрде жеке қатысуы жөніндегі талаптарды енгізуге қатысты нормаларды ұсынды.
Мәжілісмендер сондай-ақ алаяқтық операцияларға қарсы іс-қимылға, антифрод орталығының қызметіне қатысты бірқатар нормаларды және қарыз алушылардың құқықтарын қорғау жөніндегі басқа да шараларды ұсынды.
Естеріңізге сала кетсек, 14 наурыздағы Ұлттық құрылтайда сөйлеген сөзінде Қасым-Жомарт Тоқаев.
«Қазақстанда түрлі салық режимдері, көптеген жеңілдіктер мен артықшылықтар жұмыс істейді, олар елде салықтық офшордың ұқсастығын қалыптастырды», — деп мәлімдеді.
Бұдан басқа, президент банк секторының «үстеме кірістілігі» және оның «әділ» салық салу тақырыбын бірнеше рет көтерген болатын.
