ЕО Қазақстанмен әріптестігін дамытуда. Жол картасы 2022 жылғы қарашада қол қойылған ЕО мен Қазақстан арасындағы өзара түсіністік туралы меморандумды іске асыру бойынша, орнықты шикізат, аккумулятор батареялары мен «жасыл» сутек құнын жасау тізбектері саласындағы стратегиялық әріптестік бойынша неғұрлым нақты мақсаттарды қамтитын болады.
Аталған Жол картасы 2023-2024 жылдарға арналған әріптестік Жол картасының жетістіктері негізінде әзірленді. Ол қызметтің мынадай нақты бағыттарын одан әрі нығайтуға ықпал етеді:
- шикізат құнын құрудың бүкіл тізбегі бойынша геологиялық барлау,
- зерттеулер мен инновациялар саласындағы ынтымақтастықты кеңейту,
- біліктілікті арттыру және оқыту, экологиялық, әлеуметтік және тиімді
- мемлекеттік басқарудың озық тәжірибесі мен стандарттарын ілгерілету.
Еуропалық Одақтың Қазақстан Республикасындағы елшісі Алешка Симкичтің айтуынша, жаңа Жол картасы ЕО елдері арасындағы ынтымақтастығқтың тұрақтылығы мен өміршеңдігін ортақ ұстанымының нәтижесі. «Біз келіскен іс-шаралар кешені өте маңызды шикізат бойынша біздің ынтымақтастығымызда қолданатын біртұтас тәсіл болып табылады. Біздің серіктестігіміз қазірдің өзінде мықты және өзара тиімді ынтымақтастыққа адалдығымызды растай отырып, нақты нәтижелер беруде» дейді ол.
