Астанада Қазақстан Премьер-министрінің орынбасары Серік Жұманғарин мен Қырғызстан Министрлер кабинетінің төраға орынбасары Бақыт Төрөбаев арасындағы кездесуде Қырғызстан мен Қазақстан ауыл шаруашылығы өнімдеріне арналған «жасыл дәліз» құратынымыз мәлім болды. Бұдан басқа да біраз ұсыныстар айтылды.
Олардың бірегейі:
- Қазақстан әлеуметтік маңызы бар тауарлардың транзиті мен экспортына жеңілдіктер беруі мүмкін.
- Атап айтқанда, магистральдық теміржол желісі қызметтеріне тарифтерді төмендету қарастырылып отыр,
- бұл қырғыз өнімдерін жеткізуді жеңілдетіп, оларды қазақстандық тұтынушы үшін қолжетімді етеді.
Сонымен қатар Қырғызстан мен Қазақстан ауыл шаруашылығы өнімдеріне арналған «жасыл дәліз» құруда:
«Қол жеткізілген келісімдер аясында «Қырғыз Агрохолдинг» ААҚ Қазақстанның Сауда комитеті және «KazTrade» АҚ-мен бірлесіп, «жасыл дәліз» шеңберінде экспортқа арналған ауыл шаруашылығы өнімдерінің тізімі мен көлемін айқындау бойынша тығыз жұмыс істейтін болады», – деп хабарлады Қырғызстан Министрлер кабинетінде.
- Тараптар мұнай жеткізу және көші-қон рәсімдерін жеңілдету жөніндегі жұмыс тобын құру мәселелерін талқылағанмен нақты шешім қабылданбады.
- Сауда мен экономикадан бөлек, су ресурстары да ынтымақтастықтың маңызды бағыты болып қала береді.
- Биыл Қырғызстан Жамбыл облысындағы ауыл шаруашылығы алқаптарын суару үшін Қазақстанға 600 миллион текше метрден астам су жібереді.
«Суару маусымы басталғалы сәуір айында 45 млн текше метр су берілді. Сәуір айының соңынан бастап Қырғыз Республикасы Талас өзені арқылы Қазақстанға тағы 400 млн, Шу өзені арқылы 180 млн текше метр су жібереді», – деп нақтылады ҚР Су ресурстары министрлігі.
Нұржігітовтың айтуынша, екі елдің бірлескен жұмысының арқасында өткен жылы жоспардан тыс көрсеткіштерге қол жеткізілген: Талас арқылы 418 млн текше метр (жоспардағы 380 млн орнына), Шу арқылы 165,3 млн текше метр су жеткізілген.
- Қазақстан мен Қырғызстан өзара тауар айналымын 2030 жылға қарай 3 млрд долларға жеткізу міндеті тұр. Бұл келісімнен кейін қырғыздан жеткен тауарлар 1.5 пайызға дейін арзандау мүмкін. Бірақ оның өзіміздің жеңіл өнеркәсібінің дамуына кері әсері бар. Қырғыздағы жеңіл өнеркәсіп өкілдері ҚҚС жеңлдіктеріне ие.
- Бұған қос ел бірлесіп салғалы жатқан сауда-логистикалық кешен сеп болмақ.
- Кешенді салу үшін Жамбыл облысының аумағында жер учаскесі бөлініп, «Алатау» индустриялық аймағы құрылады.
- Еліміз мұны автоматтандырылған бақылау және тексеру жүйесін енгізу арқылы жүзеге асырмақ. Сондай-ақ қара нарықты азайту, екіжақты уағдаластықтарды іске асыру бойынша жұмыс жүріп жатыр. Биыл 8 айда автокөлікпен жеткізілген алыс-беріс 4,1%-ға ұлғайып, 3 млн тоннаға жетті.
Сарапшылардың сөзінше, бұл келісім қырғыз жеңіл өнеркәсібі ойыншылары қазақ нарығын шалқасынан ашуға мүмкіндік береді. Қазақ нарығындағы жеңіл өнеркәсіп, тоқыма мата өнімдерден дайындалған тауарлардың кемі 40 пайызы қырғыздарға тиесілі. Бұл келісім бұл көрсеткішті кемі 10 пайызға көбейтуге мүмкіндік беріп тұр.
