Қазақстан Қытайға ауыл шаруашылығын жүргізу үшін ауқымды жер телімдерін беруді жоспарлап отыр деген ақпарат әлеуметтік желілерді кезіп жүргеніне біраз болды: Бұл әңгіменің тереңдеп кеткеніне Үкіметтің екі бірдей министрлігі назар аударып, жауап берді.
ҚР Сыртқы істер министрлігінде атап өткендей, «Қазақстан Қытайға ауыл шаруашылығы үшін жер береді деген хабарлама шындыққа сәйкес келмейді».
«Бұл жалған. Әлеуметтік желілерді пайдаланушыларға БАҚ немесе ақпараттық-коммуникациялық желілерді пайдалана отырып көрінеу жалған ақпарат таратқаны үшін жауапкершілік қарастырылғанын еске саламыз. Тек ресми дереккөздерге ғана сеніңіз» дейді СІМ баспасөз қызметі
Өз кезегінде ҚР Ауыл шаруашылығы министрлігінде Жер ресурстарын басқару комитетінің «Қытай Халық Республикасына жер беру туралы ақпараты жоқ» деп атап өтті.
«ҚР Жер кодексінің 23 бабына сәйкес, ауыл шаруашылығы өндірісін жүргізуге және орман өсіруге арналған жерлерді қоспағанда, шетелдік азаматтар, азаматтығы жоқ адамдар, сондай-ақ шетелдік (мемлекеттік емес) заңды тұлғалар жер учаскелерін меншік құқығымен иелене алады. Бұл учаскелер тұрғын үйлер мен олардың кешендерін, сондай-ақ оларға қызмет көрсетуге арналған жерлерді қоса алғанда, осындай объектілер орналасқан учаскелерді қоса алғанда, өндірістік және өндірістік емес объектілерді салуға берілген жағдайларда мүмкін болады» дейді Ауыл шаруашылығы баспасөз қызметі.
Бұл ретте, ведомствода түсіндіргендей, «Қазақстан Республикасы Мемлекеттік шекарасының шекаралық белдеуінде орналасқан жер учаскелері жеке меншікке және уақытша жер пайдалануға берілмейді».
Сондай-ақ, Ауыл шаруашылығы министрлігінде ҚР Жер кодексінің 24-бабына сәйкес:
- жеке меншік немесе жер пайдалану құқығындағы ауыл шаруашылығы мақсатындағы жер учаскелеріне:
- шетелдіктер, азаматтығы жоқ адамдар, шетелдік заңды тұлғалар, шетелдік қатысуы бар ҚР заңды тұлғалары, халықаралық ұйымдар, халықаралық қатысуы бар ғылыми орталықтар, компанияларға берілмейді.
. ҚР Жер кодексінің 171-бабына сәйкес ауыл шаруашылығы мақсатындағы жер учаскелеріне уақытша жер пайдалану құқығы, 2016 жылғы 1 шілдеге дейін шетелдіктерге жалға беру шартымен азаматтығы жоқ адамдарға, шетелдік заңды тұлғаларға, Қазақстан Республикасының шетелдік қатысуы бар заңды халықаралық ұйымдарға, халықаралық қатысуы бар ғылыми орталықтарға, сондай-ақ жалдау шартының қолданылу мерзімі аяқталғанға дейін қолданыста болады және жаңа мерзімге ұзартылуға жатпайды немесе кодексте көзделген уақытша жер пайдалану құқығын тоқтату үшін өзге де негіздер басталғанға дейін қолданыста болады.
