Күні кеше ғана Мәжіліс бата берген Салық Кодексі, ҚҚС мөлшері туралы пікірлер әлі күнге дейін саябырсыған жоқ. Үкімет қазіргі 16 пайыздық мөлшерлеме арқылы бизнес өкілдерімен компромиске келдік дейді. Ал сарапшылар арасында ҚҚС -20 пайыздық деңгейде қалдыру керек деп есептейтіндер бар. Белгілі экономист -қаржыгер Сапарбай Жобае та осындай пікірді қолдайтындардың қатарында. Оның айтуынша, қосымша құн салығы көп дамыған өркениетті елдерде 20-25%. Бұл елдерде салық ел бюджеті табысының негізгі көзі.
Ал, авторитар, коррупциялы елдерде 12-16%.
С. Жобаевтың пайымынша авторитар билік жеке табысынан елімен, бюджетпен, қарапайым халықпен аз ғана бөлігімен де бөліскісі келмейді.
Негізгі тұжырымдар:
1. ҚҚС жалпы айналымнан емес, тек өзің қосқан құннан. Көп болса 15-30% қоссаңыз соның 16% -ы жалпы 3-5% баға қосылады.
2. Бұл қосылған бағаны кәсіпкер тұтынушыдан алып, бюджетке төлейді.
Өз табысының азайуына оншалықты әсер етпейді. Кейін, әділетті шағын кәсіпкерлер 40 млн теңге айналымына дейінгілер ҚҚС төлемейді.
Ауыл шаруашылығы өнімдері, негізі тамаққа ҚҚС жоқ.
3. 20% дан 16% ға олигархтар, құрылыстағы бай-бағландар түсірді. Яғни, ҚҚС — тың өсуіне қарсылар сол олигархтардың диірменіне су құйып жатқанын түсінуі қажет.
4. ҚҚС-тың әсері Бағаға тек бір жыл 3-4 % ғана. Әр жылғы 10-12% инфляцияға әсері аз.
5. Жеке табыс салығы олигархтар, бай бағландар үшін 20-25% болуы керек еді. Біздің олигархтық билік зорға 15% көтеруге көнді. Ұят!!!
Көрші Ресейде бай-бағландары 20-23% төлеуге көнгенде, біздегілер көнбеді. Дубайдан барлығы үйлер алмаған болса керек.)))
6. Корпоративтік табыс салығы квазимемлекеттік және жоғары пайда тауып жатқан компания, банктер үшін 25-30% болуы керек еді. 25% бен шектелуі олигархтардың табысының бүгінгіден де өте үлкен ұлғайуына мүмккіндік береді.
Кері әсері
«Жалақы өспейді. Кедейлер көбейеді. Тапқа бөліну өседі.
ӨКІНІШТІ!!!
Билік өзі отырған бұтаны шауып жатқанын білгісі келмейді.
Ендігі үміт Сенатта.
Бұл өзгерістпр болмай, бюджет табысы көбеймейді» дейді С. Жобаев.
