Мемлекет басшысы Қасым-Жомарт Тоқаев туған күнін тойламайды.
Жалпы қазір тойлайтын, демалатын заман еместігін, технологиялық жарыс пен экономикалық қуатты арттырудың уақыты екенін өз үлгісінде көрсетіп, елді жаңа бағытқа жетелеп келе жатқанын сарапшылардың бәрі айтады.
Соңғы алты жыл бізге 30 жылға созылған жеке басты дәріптеудің бойымызға батпандап кірген зардабы мысқалдап шығатынын дәлелдеп келе жатыр
Біз не істеу керектігімізді, қайда бара жатқанымызды жақсы біле бастаған елміз.
Ең бастысы қателіктерімізге тура қарауды, кемшілікерімізден аттап кетпеуді, байды -бай, кедейді кедей деп атауды үйрендік.
Мемлекет басшысы Қасым-Жомарт Тоқаев 2022 жылдың 21 қаңтарында Ақ Ордада кәсіпкерлермен кездескен кезде аз ғана элиталық топтар ықпалының артуы және халықтың басым бөлігінің табысының азаюы қауіпсіздікке айтарлықтай қатер төндіретінін айтты. «Ұлттық табыстың әділ бөлінуі бойынша теңгерімсіздік пен проблеманың бар екені айдан анық. Халықаралық сарапшылар (KPMG, 2019 жыл) Қазақстан байлығының жартысы 162 адамның ғана қолында екенін растап отыр. Осы ретте халықтың жартысының айлық табысы 50 мың теңгеден аспайды. Бұл – жылына 1 300 доллардан сәл ғана асады деген сөз. Мұндай ақшамен өмір сүру мүмкін емес. Бұлай жіктелу мен теңсіздіктің қауіпті екенін айтқан болатынмын. Жағдайды дереу өзгерту керек», – деді Президент.
Сарапшы Айбар Олжаевтың айтуынша, қайда бара жатқанымыз, бізді не күтіп тұрғаны нақтылана бастады.
• 2024 жылы 5 жылдық ұлттық инфрақұрылымдық жоспар бекітілді.
• Оның аясында 6,3 триллион теңге инвестиция тартылып, 204 ірі жоба жасалады. Осылардың бәрі орындалса, онда экономикамыздың қуаты еселей артпақ.
• Энергетикада 46 жоба көзделген. 3 миллионға жуық адам газға қол жеткізеді.
• Электр энергиясы мен жылу энергиясы көбейеді. Дефицит болмайды
.• 59 жоба логистикалық бағытта жасалады.
• Жаңа автожол мен теміржол пайда болады. Ескілері түгел жаңарады.
«Бұл жобалар өңірлердің әлеуметтік-экономикалық дамуын қамтамасыз етуге және халықтың өмір сүру сапасын арттыруға бағытталған.
Соңғы жылдары ашылған ірі жобалардың қызығын бәріміз көре бастадық. Мысалы, 2023 жылы пайдалануға берілген 66 шақырымдық «Үлкен Алматы айналма автомобиль жолы» (БАКАД) Алматы қаласының көлік жүктемесін азайтып, транзиттік ағындарды қала сыртына шығаруға мүмкіндік берді» дейді Айбар Олжаев.
Айбар Олжаевтың айтуынша, Жошы ханның, Абай мен Шәкәрім аруағы қазіргі қазақ басшысына дән риза деп білемін. Мемлекет басшысы Қасым-Жомарт Тоқаев «Ұлытау – 2019» халықаралық туристік форумында Алтын орданың негізін қалаған Жошы ханның есімін ұлықтауды, кесенесін мәдени туризм нысанына айналдыруды тапсырған еді. 1269 жылы Талас құрылтайында дербестігі толық мойындалған Алтын Орда (Жошы ұлысы, Ұлық ұлыс) империясының 750 жылдық мерейтойын мерекелеу туралы айтты.
«30 жыл бойы қасақана буындырылып келген киелі Семей даласы облыс дәрежесін алып, тынысы ашылды. Соның арқасында былтыр Абай облысы керемет дамыды. 28 жылу энергетикасы жобасы жүзеге асырылып, 26,1 км жылу желісі мен 17 жылу көзі жаңартылды. Сондай-ақ, Семей қаласындағы су алатын құрылғыны қайта құру жобасы қолға алынды.
• Қызылорда мен Түркістан еліміздің жаңа әуе қақпалары атанды. Қалаларда жаңа әуежай терминалдары пайдалануға берілді. Келген туристен ұялмай, емін-еркін ұшып қонуға мүмкіндік алдық» дейді Айбар Олжаев.
• Шымкент топ жарды. Шымкент қаласында 2023 жылы 622 млрд теңге көлемінде инвестиция тартылып, 224 жоба басталып кетсе, былтыр біршама нысан ашылып үлгерді. Қалада бес индустриялық аймақ жұмысын жандырып, 30 мың адам жұмысқа тұрды.
• Былтыр біз жалпы қуаты 34,75 МВт болатын үш жаңартылатын энергия көздерін іске қостық.
• Бір-екі айда тағы бес нысанның құрылысы аяқталып, олардың жалпы қуаты 128,4 МВт-қа жетпек. Той тойламай, демалмай, жұмыс істей берсек, көп нәрсе алдымызға өзі келеді. Енді алдағы үш жылда еліміз мүлде жаңа қарқынға қол жеткізеді. Осының барлығы айналып келіп халықтың жағдайын жақсартуы тиіс» дейді Айбар Олжаев.
Аталмыш нәтижелерге қарап Мемлекет басшысының реформалары қоғамдық өмірге ықпал ете бастады. Демек сіз бен біз өмір сүріп отырған уақыт уәдемен емес, іспен дәлелденетін жаңа Қазақстанның жарқын беттері.
Той тойламай, демалмай, жұмыс істей берсек, көп нәрсе алдымызға өзі келеді. Енді алдағы үш жылда еліміз мүлде жаңа қарқынға қол жеткізеді. Осының барлығы айналып келіп халықтың жағдайын жақсартуы тиіс.
