Сенатта Салық кодексін талқылау кезінде Ұлттық экономика министрі Серік Жұманғари кәсіпорындар ҚҚС өседі дегеннен бағаларды көтеріп, инфляцияны жеделдетуге себеп болғанын ашық айтты. Министрдің айтуынша, мұны ешкім жасырып жатқан жоқ. Тіпті кейбірі ҚҚС 20% болады деген есеппен көтерген. «Салдарынан азық-түлік бағасы 9,6%-ға, азық-түліктің емес өнімдер 9%, қызметтер 16%-ға көтерілген. Десе де, біз олардың бағаларды бұдан ары көтеруіне жол бермейміз», – деген министр бағаны алдын-ала көтеріп, халықтың қалтасын жұқартып кеткен кәсіпорындарға қандай жаза қолданылатынын айтқан жоқ.
- Тек қана индексация есебінен әлеуметтік осал топтардың ҚҚС-тің көтерілуінен зардап шекпейтінін айтып, сендірді.
- Ал 140 мың теңге көлемінде жалақы алатын азаматтардан табыс салығы алынбайтынын, салдарынан қазір жұмыс істеп жатқандардың тең жартысына, яғни 53%-ына жеңілдік жасалатынын мәлімдеді.
Айта кетейік, Сенат бірінші оқылымда Салық кодексін мақұлдады. Жаңа салық реформасына сәйкес ҚҚС 12%-дан 16%-ға дейін көтеріледі Бұл бюджетке қосымша 3-4 трлн теңге түсуіне жол ашады.
Сарапшылардың айтуынша, ҰЭМ Жұманғарин бұл жолы да осы күнге дейінгі қателіктерді қайталап отыр. Доллар қымбаттаса немесе айлық, зейнетақы көтерілсе, базардағы бағаның ертесіне ұшып кететінін министр анық біледі.
ҚҚС көтерілмей жатып бағаны көтергендерге мемлекеттің реформасына қарсылық танытқандар ретінде жаза қолданылса, нарықта бағаны қолмен ойнатып отырғандар аяқтарын аңдап бастанын айтады сарапшылар
