Мәжілістің жалпы отырысында қабылданған заң бойынша «электрондық сауда операторы» ұғымы мен кедендік декларацияның жаңа түрі енгізіледі.
Не өзгереді
Хаттамада үшінші елдерден шетелдік интернет-алаңдардан жеке тұлғалардың атына халықаралық почта жөнелтімдерімен жіберілетін тауарларды, тауарлардың жеке санаты — электрондық сауда тауарларына бөлу көзделген.
«Электрондық сауда операторы» ұғымын енгізу; кедендік декларацияның жаңа түрін енгізу — электрондық сауда декларациясы», — деді премьер-министрдің орынбасары — ұлттық экономика министрі Серік Жұманғарин депутаттарға».
Еуразиялық экономикалық одақтың Кедендік кодексі туралы 2017 жылғы 11 сәуірдегі шартқа өзгерістер енгізу туралы хаттаманы ратификациялау туралы заңды таныстыра отырып.
Ол қолданыстағы заңнама бойынша шетелдік интернет-алаңдардан сатып алынатын тауарлар жеке пайдалануға арналған тауарларға жатады және қазір тауарларды бажсыз әкелу нормаларынан асып кеткен кезде ғана декларацияланатынын атап өтті.
Нарыққа әсері
Бұл ретте олар сауда айналымына жатпайтындықтан ресми статистикаға енгізілмейді. Сондықтан электрондық сауда тауарларының барлық көлемін декларациялау шетелдік интернет-алаңдарда сатып алынатын тауарлардың толық статистикасын қалыптастыруға мүмкіндік береді. Мәжілістің салалық комитетінің қорытындысында жеке пайдалануға арналған тауарлар бажсыз әкелу нормалары 200 еуро немесе 31 кг асқан кезде ғана декларацияланатыны атап өтілген. Енді «электрондық» сауда тауарларының барлық көлемін декларациялау жүргізіледі.
