Ұлттық банк Ашық НҚА» порталында құрылыс сегментін түбегейлі өзгертіп жіберетін жаңа құжаттың жобасын жариялады.
Не болады енді
Жаңа құжат Қазақстанда жаңа салынған үйден пәтер сатып алушыларға қойылатын талап күшейтіп, банк құрылыс компанияларының «сұр схемасына» тосқауыл қою үшін дольщиктерге тек банк арқылы төлем жасауды міндеттемекші.
Жаңа талаптың негізгі мақсаты тұрғындарды алаяқтар мен заңсыз құрылыс компанияларынан қорғау.
1. Құжат жобасына сәйкес, сатып алушы төлем жасар алдында банктік аударымда арнайы төлем мақсатының кодын (КНП) және келісімшарттың тіркеу нөмірін көрсетуге міндетті.
2. . Егер құрылыс салушының ресми рұқсаты болмаса, банк төлемді қабылдамайды.
Құжатта тұрғындардың әлеуметтік жағдайына қатысты тағы бір маңызды норма бар. Енді төтенше жағдай кезінде зардап шеккен азаматтарға төленген қаржы банктер, коллекторлар немесе басқа да несие берушілер тарапынан тәркіленбейді. Бұл азаматтардың төтенше жағдай кезінде алған көмегі толықтай өз қолына тиеді деген сөз.
Заң жобасын талқылау 15 шілдеге дейін жалғасады.
