Оның айтуынша, АҚШ-қа экспортталатын қазақстандық тауарлардың 95 пайызына кеден салығы бұндай мөлшерде салынбайды. « Мәселе Трамптың ақпараттық хаты мен жарлығында айтылған 25 пайыз жөнінде болып отыр. Бұл жерде нақты түсіну қажет, біздің экспорттың 95 пайызы бұл қосымша кеден салығына кірмейді. Біз өз тарапымыздан ұсыныстарымызды жібердік. Келіссөздер процесі. Кеден салығына байланысты мәселелердің барлығы бойынша ДСҰ ережесі бар. Барлығы келісілген. Қазір жағдай мүлде басқаша, ДСҰ ережесін бұзу, халықаралық міндеттемелерді бұзу. Сол себепті біз де басқаша әрекет етіп жатырмыз. Біз кері кетуге емес, мәселені шешуге байланысты нақты ұсыныстар жасадық, – деді ол.
Бұған дейін АҚШ президенті Дональд Трамп Қазақстан тауарларына 25 пайыз кеден салығын салған. Кейіннен Қазақстанның АҚШ-пен келіссөздер жүргізіп жатқаны туралы айтылған.
Жаңа шаралар 69 ел мен аумақты, сондай-ақ Еуроодақты қамтиды.
- тБаждың базалық мөлшерлемесі АҚШ-пен оң сауда балансы бар елдер үшін 10% деңгейінде қалады.
- АҚШ-та тапшылық байқалатын мемлекеттер үшін ең төменгі тариф 15% болады.
- * Қазақстан басқа да елдер сияқты 25% ставкамен жоғары санатқа енді.
- Қосымша АҚШ тауарларды транзиттік «ауыстырып тиеу» әрекеті үшін — өнім төмен тарифпен үшінші елге жөнелтіліп, содан кейін АҚШ-қа әкелінетін кезде 40% айыппұл салды.
- Бұған дейін Вашингтон қатаң сауда шараларын енгізу туралы жоспарын жариялаған болатын, бірақ оларды іске асыру тамыз айына дейін кейінге қалдырылды.
- Осы уақыт ішінде бірқатар елдер мөлшерлемелерді төмендетуге қол жеткізді. Мысалы, Еуроодақ бажды 30% -дан 15% -ға дейін, ал Вьетнам — 46% -дан 20% -ға дейін төмендету туралы келісті.
