Халықаралық валюта қоры экономикалық өсім жағынан осы екі елден де озып кеткенімізді хабарлады. Ресейдің жан басына шаққандағы табысы 14,26 мың АҚШ доллары болса, Қытайдікі 13, 69 мың АҚШ доллары болып отыр. Ал Қазақстанның көрсеткіші – 14,77 мың АҚШ доллары.
Қазақстан жалпы ішкі өнім көрсеткіші бойынша Қытай мен Ресейдің алдына шықты. Жалпы, посткеңестік кеңістікте алғашқы орынды иемденіп отыр.
Мұның алдында ХВҚ 2027 жылға қарай Қазақстанның ЖІӨ-сі Еуропаның дамушы елдерін басып озады деп болжам жасаған болатын.
Мұның алдында Қазақстан экономикасы жеті айда 6,3%-ға көтерілгені хабарланған еді.
Halyk Finance биылғы жылдың алғашқы тоқсанында Қазақстан экономикасы 6%-ға өскеніне қарамастан, халықтың нақты жалақысы небәрі 1,2%-ға ғана көбейгенін айтты. Табыстың тең бөлінбеуі мен әлеуметтік алшақтық мәселесі әлі де өткір. Осыған байланысты елдегі экономикалық өсімнің қарапайым халыққа қаншалықты тиімді әсер ететіні, яғни инклюзивтілігі үлкен сұрақ туындатады. Қазіргі заманғы зерттеулер, әсіресе дамушы және ресурстық тәуелді елдерге қатысты, экономикалық өсімнің шекті әсеріне ерекше көңіл бөледі. Hansen (1999) ұсынған әдіс – белгісіз шекті мәндер арқылы экономикалық көрсеткіштер арасындағы байланыстарды зерттеудің тиімді тәсілі. Басқаша айтқанда, Қазақстанда халық табысына шынайы ықпал ететін өсім – жай өсім емес, қарқынды және тұрақты өсім. Ал мұндай өсімді қамтамасыз ету үшін әлеуметтік саясат пен бюджет шығындарының құрылымын қайта қарау қажет.
Алайда Қазақстанда бұл тәсіл әлі кең қолданылған жоқ.
Сарапшылар осыған дейін ЖІӨ — бұл біріктірілген, жалпыланған көрсеткіш, ал оның өсуі көрсетілген салалардан, өмір сүру деңгейінен немесе әлеуметтік қызметтерден тыс адамдардың кірістерінің өсуіне бірден өзгермейтінін айтқан болатын. Өсім халықтың табысына әсер ету үшін осы деңгейді кемі 2-3 жыл қатарынан ұстап тұру керек. Сол кезде ғана өсу өмір сүру сапасын жақсартуға көмектеседі.
Ол үшін уақыт қажет — инфрақұрылым мен өндіріске инвестициялар жұмыспен қамту мен жалақыға дейін жетуі тиіс.
Қымбатшылықты халықтың табысын арттыру арқылы ауыздықтау теориясы қазір ескірді
