Қазақстан Президенті Нью-Йоркке сапары аясында халықаралық бизнес өкілдерімен және инвесторлармен бірқатар маңызды кездесулер өткізді.
Қазақстан мен АҚШ локомотивтерді жеткізу және өндіру бойынша $4,2 млрд. сомаға ірі келісім жасасты Келісім шарттары бойынша американдық Wabtec компаниясы Астанадағы 2009 жылдан бері жұмыс істеп келе жатқан зауытта 300 жүк локомотивін шығарады.
Сарапшылар мұның өте сәтті мәміле екенін және коммерциялық тұрғыдан ақтайтынын айтып жатыр. Себебі АҚШ-та кемі 120 вагонға дейін созылатын локомотивтер жасайды. Бұл бүкіл жүйе үшін жаңа қозғалтқыш сияқты өте тиімді.
Сарапшы Алмас Чукиннің айтуынша, Нью-Йорктегі кездесулердің негізгі тақырыптарының бірі — көлік инфрақұрылымы мен авиация саласын дамыту. «Мұнда үлкен нарық пен қаржылық әлеует бар. Мүмкін, Boeing бойынша мәмілелер болуы мүмкін. Ал бұрын біз оларды көп алмайтын едік. Air Astana Airbus — негізінен A320 және A321-ге шоғырланған. Қазір бізде тапсырыста АҚШ пен Токиоға ұшатын Dreamliner деген екі ғана Boeing бар. Ең бастысы мынада: егер елде ұшақтарға арналған сервистік орталық болса, онда бәрі қорқынышсыз ұша бастайды. Себебі, айталық, Бішкекке көптеген авиакомпаниялар ұшқысы келмейді. Бішкек әуежайында тіпті базалық сервистік құрылым да жоқ. Егер ұшаққа ұшып келсең, ал ұшақтың жанында шамалы бір нәрсе сынса, ол онда ұзақ уақыт тұрып қалады, себебі ағымдағы жөндеу жұмыстарын жүргізуге де болмайды. Ал елімізде осындай база бар болса, бұл барлық басқа әңгімелерді бірден жеңілдетеді «, — деп атап өтті Чукин.
.Қазақстан Президенті Қасым-Жомарт Тоқаевтың американ истиблишментімен кездесуі осылай бағаланғанын АҚШ басшысы Дональд Трамп айтып отыр.
Әлемдегі ірі, капитализациясы топ 500 компаниялар Қазақстанға қатысты үнсіз қалмай, жоспарлары мен жобаларын нақты контрактқа айналдыруда.
Келесі сарапшы Айбар Олжаев Amazon Қазақстанды спутниктік байланыстың өңірлік хабын қалыптастыруға болатын алаң ретінде қарастыратынын айтты.
«Ең ірі контрактты Wabtec алпауытынан алдық. Қазақстан АҚШ Сауда министрі Говард Лютниктің қатысуымен өткен кездесуде Wabtec компаниясымен жалпы сомасы 4,2 миллиард долларға жуық келісімге қол қойды. Енді бізде техникалық тұрғыдан жетілдірілген 300 локомотив шығару және оған сервистік қызмет көрсету қарастырылған. 2009 жылдан бері Астанада Wabtec Kazakhstan локомотив құрастыру зауыты табысты жұмыс істеп келеді. Осы аралықта компания өндіріске 230 миллион доллардан астам инвестиция құйды. Кәсіпорын бүгінге дейін «Қазақстан темір жолына» және экспортқа арналған 600-ден астам локомотив құрастырды. Өндірістің локализация деңгейі 45 пайызға жетті. Ал былтыр шілде айында Wabtec компаниясы елімізде инновацияларды енгізіп, кадр даярлауға үлес қосатын технологиялық және инженерлік орталығын ашты» дейді Айбар Олжаев.
Американ алпауыттарымен кездесу турнесінің нүктесін Трамппен жүздесу қойды. Артынан Трамп Тоқаевты тарихтағы ірі келісімге қол жеткізуімен құттықтады. Осылайша біздің президент біраз шаруаны жайғап, Біріккен Ұлттар Ұйымындағы дебатқа жақсы көңіл-күймен аттанған еді.
