Pinduoudo, Temu сынды шетелдік интернет дүкендерден көп тауар алатын қазақстандықтар енді баж салығын төлеуге міндететтейтін заңды Сенат мақұлдады. Енді белгілі бір межеден асатын болса, мұндай тауарлардан 15% көлемінде кедендік баж салығы салынады.
Сенат отырысында ұлттық экономика вице-министрі Азамат Әмрин
шетелдік интернет-дүкендердің тауарларға баж салығын төлеудің жаңа тәртібін түсіндірді. Оның айтуынша, бұрын $250 және 31 килограмм салмақтан арзан тауарларға баж салынбаған және олар декларацияланбаған.
Осы шектерден жоғары болғандардың бәріне 15% бірыңғай жиынтық баж салынды. Тек өткен жылдың өзінде бұл төлемдер қазынаға 7 млрд теңге әкелді.
«Егер қазір жиынтық төлем тауар бағасының 15% болса, енді ол 5% баж салығы болады, ол бөлек төленеді, оған ҚҚС-тың 12% қосылады. Яғни, жалпы алғанда бұл 17%. Тауарлардың құны 2% -ға артады «, — деп хабарлады Азамат Әмрин.
Мұндай өзгерістерді Сенат ЕАЭО Кеден кодексі туралы шарт аясында ратификациялады. Айта кетейік, 2026 жылдан бастап ҚҚС мөлшерлемесінің мөлшері 16% -ды құрайды.
Бұдан басқа, енді қазақстандықтарға шетелдік дүккендеердегі барлық тауарларды декларациялау қажет болады. Декларацияны өз бетінше немесе «Қазпошта» және басқа да қызметтердің көмегімен тегін толтыруға болады, оларға 4 мыңнан 5 мың теңгеге дейін төлеуге тура келеді.
Вице-министр айтып өткендей, декларацияны толтыру оңай болады және қазақстандықтар ол үшін артық төлемеуі мүмкін.
Еске сала кетсек, Мәжілісте бұл мәселе маусым айында талқыланған болатын. Онда халықаралық пошта арқылы шетелдік интернет-платформалардан жеке тұлғалардың атына жіберілетін тауарлардың бөлек санатқа жатқызылып, электрондық сауда тауарлары ретінде айқындалатыны айтылған. Ол кезде Ұлттық экономика министрі Серік Жұманғарин заң күшіне енсе, тауар құны да қымбаттайтынын айтқан болатын. Министр болжамынша ерікті нормадан асқан тауар құны шамамен 17%-ға көтеріледі.
