14 қазанда вице-министр Азамат Әмрин шын мәнінде 300 мыңға жуық компания салық реформасы күшіне енгеннен кейін жабылып қалуы мүмкін екенін айтқан болатын. Бұл жерде мәселе, бизнестің жабылып қалуы емес, бөлшектеу арқылы салықтан жалтару үшін құрылған жалған заңды тұлғаларды жою туралы болып отыр.
Вице-министрдің айтуынша, компаниялар ҚҚС төлеуші ретінде тіркелмес үшін бірнеше заңды тұлға құрған. Жаңа Салық кодексі 2,35 млрд теңгенің бірыңғай жиынтық шегін белгілейді, одан асып кеткен жағдайда бизнес салық салудың жалпы режиміне көшуге міндетті болады. Әміриннің айтуынша, бұл бөлшектеуді мағынасыз етеді және бизнестің іріленуіне әкелуі тиіс.
«Енді кәсіпкерге бірнеше фирма ашудың қажеті жоқ. Бірігіп, бір заңды тұлғамен жұмыс істеу — жағдай тиімді болды», — деп түсіндірді ол
Ұлттық экономика министрлігінің басшысы салық реформасынан кейін бизнесті жаппай жабу туралы мәлімдемелерге көзқарасын, оның тек болжам екенін айтты.
18 шілдеде Қасым-Жомарт Тоқаев қол қойған Салық кодексіне байланысты пікір таластар көп болды. Бизнес өкілдері ағымдағы редакциядағы құжат іскерлік белсенділікке қауіп төндірдіретінін айтты. Бірақ үкімет мәселені кейінге қалдырмады, бірақ кейбір ұсыныстарды ескеретінін айтты.
Кәсіпкер Олжас Мамадәлінің айтуынша, салық Кодексі қазақ бизнесіне Авгейдің ат қорасынан бастайық деген ертеден келе жатқан есті сөзді қаперіне алу қажеттігін айтты.
Жаңа құжат айналымға енген соң, көптеген бизес нысандары, жабылады
Бұл, ҰЭМ айтпақшы шағын бизнестің орта бизнеске айналу процесін жылдамдатады. Осыған дейін де Best Solution Research (BSR) компаниясы Салалық қауымдастықтар альянсымен және салық реформасы жөніндегі сарапшылар тобымен бірлесіп жүргізген зерттеуге реформалардың фокусы ынталандырудан фискалдық мәжбүрлеуге ауысатынын айтқан.
Салық Кодексі айналымға енбестен бұрын бизнесті бір тазалап алғаннын артығы жоқ. Жаңа Салық кодексінде бизнесті бөлшектеу туралы тармақтар жоқ. Жеңілдету бойынша шекті табыс пен ҚҚС бойынша шек 2,4 млрд теңгеге дейін ұлғайтылды, бизнесті бөлшектеу экономикалық тұрғыдан тиімсіз. «Мен кәсіпкер ретінде вице-министрдің 300 дей компания жабылып қалуы мүмкін деген пікірін қолдаймын. Бірақ олардың көпшілігі бөлшектеніп кеткен компаниялар болуы да мүмкін. ҰЭМ-не ШОБ- сегментіне мониторинг жасап, олардың қайсысының жұмыс істейтін тірі бизнес екенін бір анықтап алған жөн» дейді О. Мамадәлі.
Қазақстандық салық консультанттары қауымдастығының (ҚХА) мүшесі Анастасия Макова да журналистермен кездескен кезде осындай пікір айтыпты. Оның айтуынша, ҰЭМ -не бизнесті бөлшектеу туралы түсінікті нақтылап алған дұрыс. Себебі күні ертең бөлшектеніп жұмыс істеген, жабылып қалған бизнес те салық Кодексіне қарсы алиби ретінде пайдалануы мүмкін. Егер, осыған дейінгі айналымда жүрген заңдарды зерделеп, бөлшектенуге мүмкіндік берген тетіктерді қайта қараған дұрыс. Ең дұрысы, бұл процестерді кезең-кезеңімен жүргізген дұрыс.
