2026 жылғы 1 қаңтардан бастап Мемлекеттік кірістер комитеті салық органдарына ақша аударымдарымен операциялар арасында кәсіпкерлік қызмет белгілерін анықтауға мүмкіндік беретін мобильді аударымдарға шекті енгізеді.
Бұйрықтағы жаңашылдық өзгеріс – жеке тұлғаның банктік шоттарында жүргізілетін операцияларды кәсіпкерлік қызметті жүзеге асырудан кіріс алу белгілері бар операцияларға жатқызу үшін шекті мәннің енгізілуі болып табылады.
Бұған дейінгі өлшемшарт түсімдердің санына – күнтізбелік үш ай қатарынан 100 және одан көп әртүрлі тұлғадан ақша түсуіне – негізделсе, жаңа редакция оған қосымша келесі талапты енгізеді: дәл сол кезеңдегі барлық түсімдердің жиынтық сомасы тиісті қаржы жылының 1 қаңтарындағы ең төменгі жалақының 12 еселенген мөлшерінен асып түсуі қажет.
Осылайша, өлшемшарттарқа 1 (бір) жеке тұлғаның қатарынан күнтізбелік әрбір 3 (үш) ай ішінде 100 (жүз) және одан да көп әр түрлі тұлғалардан жеке тұлғаның кәсіпкерлік қызметті жүзеге асыруға арналмаған банктік шотына (шоттарына) кәсіпкерлік қызметті жүзеге асыруға арналмаған жиынтық кезеңдегі жиынтық сомасы республикалық бюджет туралы заңда белгіленген және тиісті қаржы жылының 1 қаңтарындағы жағдай бойынша қолданыстағы ең төменгі жалақының 12 еселенген мөлшерінен асатын ақша алуы жатады.
Мәселен:
- МКК деректері бойынша үш айдағы аударымдар түсімдерінің жалпы сомасы 12 АЕК-тен (ең төменгі жалақы) аспауы тиіс.
- 2026 жылы ол 85 мың теңгені құрайтынын ескерсек, 1 млн. 20 мың теңгеден аспауға тиіс.
Мәслихаттардың көпшілігі ШОБ үшін салық мөлшерлемелерін төмендетті
Бұған дейін тексеруге адамның үш ай ішінде әр түрлі көздерден 100 және одан да көп ақша аударымдарын алуы себеп болған. Сома ол кезде рөл атқармады.
Салық органында түсіндіргендей, бұл әдістеме көлеңкелі кірістермен күресті айтарлықтай жақсартуға бағытталған және бизнесті заңды алаңға шығаруға көмектеседі.
