Президент аппараты ішкі саясат бөлімі басшысы лауазымы 8 қазаннан бері бос тұрды, саясаттанушылардың осы лайықты деп бірнеше тұлғаны атады. Мемлекет басшысының өкімімен Айбек Серікбайұлы Смадияров Қазақстан Республикасы Президенті Әкімшілігінің Ішкі саясат бөлімінің меңгерушісі лауазымына тағайындалды. Оның жаңа қызметке тағайындалғаны туралы өкім Ақорданың ресми сайтында жарияланды.
42 жастағы Айбек Смадияров осыдан бір апта бұрын сыртқы істер министрлігіндегі брифинг кезінде СІМ ресми өкілі қызметінен кететінін хабарлаған. Ол бұл қызметті 8 жыл атқарған.
Айбек Сыртқы істер министрлігінен кетті әлеуметтік желіде бұрынғы ресми өкіл туралы жып-жылы пікірлер көп айтылды. СІМ бағыты жариялылықты құп көрмегендіктен кімдердің кеткеніне көпшіліктің назары ауа бермейтін. Түр-тұлғасынан қазақы уызға жарып өскендей әсер қалдыратын, журналистердің сұрағын жауапсыз қалдырмайтын, тіпті барынша өткір қойылған сұрақтардың өзін екі тараптың да көңілін қанағатандырып тұрып жауап беретін Смадияровтың шешіміне бей-жай қарағандар аз болды.
Мемлекет басшысы Қасым-Жомарт Тоқаевтың Смадиярвқа қатысты шешімі кез-келген тұлғаға қатысты қоғамдық пікірді қаперіне алып жүретінін байқатты. Әріптесіміз Бағдат Қожаахмет «Мемлекеттік органдардың ресми өкілдері арасында медиа сегменттің, кәсіби қауымдастықтың ең жоғары және әділ бағасын алған Айбек Смадияров Сыртқы істер министрлігінен кетті. Ол заманауи парадигмаға сәйкес ақпараттық күн тәртібін шебер басқарды: егер еңбек нәтижелерін қоғамға жеткізбесек, нәтижелер жоқ деп санау керек. Мен ресми өкілдің қоғам алдындағы міндеті мен жауапкершілігінің қандай екенін өз тәжірибемнен білемін. Тіпті сол органның репутациясы да ресми өкілдің тұлғасына қарап өлшенеді. Оның тұлғасы бірінші басшы сияқты бренд ретінде қабылданады. Айбектің ендігі жолы, бәлкім сыртқы саясатта болмаса да жаңа белестерді бағындыратынына сенемін. .
PS: Мұндай маман, мысалы ҚТЖ немесе кез -келген мемлекеттік органга керек. Барлығында қоғаммен байланыста проблема бар. Ал СІМ-де осыған дейін мұндай проблема болған жоқ» деп жазды.
Саяси сарапшы Виталий Колточниктің айтқандай, бұл таңдаудың дұрыстығы мен саналылығын білдіреді. Ішкі саясат асығыстыққа шыдамайды. Мұнда мемлекеттің орнықтылығы, сенімі мен құндылықтары шешіледі. Енді Ақорданың ішкі саясаты сыртқы саясат сегментінде сыннан өткен, қайнап шыққан әрі халыққа сүйкімді Айбек арқылы халыққа жетеді.
«Ендігі беталыс айқындалды. Тәуелсіздік — бұл тек сыртқы саяси егемендік қана емес, сонымен қатар ішкі басқару жүйесінің жетілгендігі. Мемлекеттің қоғаммен тыныш, кәсіби және үзіліссіз сөйлесу қабілеті. Алдыңғының рөлін бөлек атап өту маңызды. Абзал Нүкенов Президент Әкімшілігіндегі ішкі саясатты тұрақтандыру және институционалдық тұрғыдан құру кезеңінде маңызды және қажетті жұмыс атқарды. Оның партиялық, өңірлік және талдамалық жұмыс тәжірибесі осы саланы басқаруды күшейтті және біздің сүйікті Алматыдағы ішкі саяси вертикальді күшейтуге ең күрделі саяси өңір әкімінің орынбасары қызметіне көшті. Бүгінде бұл эстафета одан әрі жалғасуда» дейді Виталий Колточник.
Айбек Смадияровтың тағайындалуы ішкі саяси бағыттың жаңа сапаға көшуін білдіреді. Бұл бағытпен алғаш рет жария, жүйелі, күрделі ортада диалогпен жұмыс істей алатын кәсіби кадрлық дипломат айналысатын болады.
«Қазақстан жауапты орта держава моделін дәйекті ілгерілетуде және дипломатиялық ойлау мәдениеті ішкі саясатқа да барған сайын айқын көрініс табуда. Диалог, мүдделер теңгерімі, қоғамды құрметтеу және болжамдылық негізгі қағидаттарға айналуда. Бұл Президент Қасым-Жомарт Тоқаевтың меритократия, сабақтастық және салауатты ой саясаты логикасын көрсететін командалық қадамы. Қатты ұрандарсыз, бірақ жүйенің қайда және не үшін қозғалатынын анық түсінумен» дейді сарапшы .
