Ұлттық банктің ресми бағамы 26 желтоқсанда бір доллар үшін 512,81 теңгені құрады.
27-29 желтоқсанда ресми бағамды анықтаудың қолданыстағы тәртібі бойынша ол бір доллар үшін 504,60 теңгені құрайды.Бір аптада ұлттық валюта 15,38 теңгеге нығайды.
Қаржы сарапшысы Андрей Чеботаревтің пікірінше, нарық алыпсатарлардың қысымынан босай бастады.
Оның айтуынша, АҚШ валютасын тиімді бағамен сатып алғысы келгендердің барлығы оны сатып алды және сатып алулар тарапынан қысым тоқтады.
Finance.kz арнасының авторының айтуынша, шетелдік инвесторлар мөлшерлемелер айырмашылығынан пайда табу үшін теңгелік позицияларға қаржы салуды жалғастыруда. Олар елге биржада айырбасталатын валютаны әкеледі.
Валюта ұсынысы сұраныстан асып түседі және нәтижесінде теңге нығаяды.
Бұған дейін сарапшылар кэрри-трейдерлердің алыпсатарлығын қарашада теңгенің нығаюының негізгі себебі деп атаған болатын. Алайда желтоқсан айының басында доллар қайтадан қалпына келе бастады.
Сарапшылар АҚШ валютасын алып-сатып пайда көретіндердің дәурені аяқталғанын айтып жатыр.
Чеботаревтің пікірінше, бұл қызығушылық қазір таусылды. Тенге де, доллар да қазір нарықтың беталысымен жүріп-тұратын болады.
