Қаржы нарығын реттеу және дамыту агенттігі стресті активтерді басқару жөніндегі банктердің еншілес компаниялары қызметінің қағидаларын және олар сатып алатын активтерге қойылатын талаптарды бекітті. Құжатқа сәйкес, заңда көзделген функциялардан басқа, мұндай ұйымдарға енді өз мүлкін жалға, қаржы лизингіне немесе сенімгерлік басқаруға беруге, сондай-ақ уақытша өтеулі пайдаланудың өзге де нысандарын қолдануға рұқсат етіледі.
Әңгіме банктік қарыз шарттары бойынша кепілдіктерді өндіріп алу нәтижесінде немесе қарыз алушылардың міндеттемелері бойынша өтемақы ретінде алынған активтер туралы болып отыр.
Осылайша, банктердің «еншілестері»
- үй-жайлар мен пәтерлерді жалға бере алады,
- құрылысы аяқталмаған тұрғын және тұрғын емес объектілерді сенімгерлік басқаруға бере алады
- Басқа да операцияларды жүргізе алады.
Стресстік активтерді басқару жөніндегі компания сондай-ақ еншілес ұйымдарды құра алады, мүлікті сата алады, стресстік активтерді басқару жөніндегі іс-шаралар жоспарында жазылған іс-шаралар шеңберінде қарыз бере алады.
Бұдан басқа, жер учаскелері мен құрылысы аяқталмаған нысандарды сатып алу, стрестік активтерді басқару нәтижесінде алынған ақшаны банктерге дивидендтер төлеуге, еншілес ұйымдардың жарғылық капиталына салым салуға, қазақстандық бағалы қағаздарды сатып алуға және банктерде депозиттер ашуға пайдалану мүмкіндігі туралы сөз болып отыр. Қаулының мәтінімен толық мына жерде танысуға болады.
Өкілеттіктерді кеңейту проблемалық активтерді неғұрлым тиімді басқаруға және олардың инвестициялық тартымдылығын арттыруға мүмкіндік береді деп күтілуде.
Бұрын банктер стресстік активтерді басқару жөніндегі компанияларға стресстік активтерді (ипотека бойынша төлемдер тоқтатылған пәтерлерді, тұрғын үй кешендерін, әкімшілік ғимараттарды немесе төлемдермен проблемалар болған жер учаскелерін) беру мүмкіндігіне ие болды.
Мысалы, стресті активтерді сатып алумен, басқарумен және сатумен Қаржы министрлігі атынан үкімет жалғыз акционері болып табылатын Проблемалық кредиттер қоры айналысады
