Ақын Олжас Сүлейменовтың 90 жылдық мерейтойы жақындап қалды: Кеше ақынның «Өлеңдер кітабы» оқырманымен табысты. Ақынның құрметіне арналған шара автордың қатысуынсыз өтті.
Ұйымдастырушылардың айтуынша, Олжас Омарұлы өзін шақырып отырған және өзі қатысқысы келетін барлық іс-шараларға қатыса алмайды. Бірақ жүрекке әжім түспейді. Олжас ақынның қазіргі келбеті санамызда шегеленіп қалған сыр-сымбатына ұқсамаса да оның поэззиясы әрбір азаматтың жүрегінің түбіндегі сыр-сандықтың кілтін дөп табады.
Оқиға мазмұнды болды. Кітапхана қорларынан Сүлейменов туралы қазақ және орыс тілдеріндегі журналдар мен газеттердегі жарияланымдардың ауқымды көрмесі жасалды.
«Өлеңдер кітабының» өзі көп назар аударды, өйткені поэзия арқылы, сөз арқылы Олжас Сүлейменов мәдени сегментке рефрма жасады: Мәжіліс залы толы болды. Сөз сөйлеушілер Сүлейменовтің қазіргі заманғы Қазақстанға қосқан үлесі туралы айтты. Оның әйгілі дәйексөзі де айтылды: «Біздің өміріміздің болашақтағы формуласы мынадай болуы тиіс: тәуелсіздік кезеңінен бастап саналы өзара тәуелділік дәуіріне дейін».
Әңгіме қысқаша сөз сөйлеумен шектелмей, кітаптың таныстырылымынан кейін режиссер Игорь ГОНОПОЛЬСКИЙДІҢ Олжас Сүлейменовке арналған «Мен адамдарға өтірік айтқан жоқпын»… фильмін таныстырды.
Естеріңізге сала кетейік, Олжас Омарұлы өз халқының болашағын өзге мәдениеттермен және өркениеттермен диалогта көрген адам. Оның әдеби және зияткерлік қызметі — түркі халықтарының жаңа ұлттық сана-сезімін қалыптастыру. Ақын «Невада — Семей» антиядролық қозғалысының көшбасшысы ретінде танымал.
