Қаржы министрі Мәди Тақиев 14 сәуірде өткен үкімет отырысында теңгенің неғұрлым мықты бағамы республикалық бюджет кірісіне тежеуші әсер еткенін мәлімдеді. «Есепті тоқсанда қалыптасқан орташа бағам бір доллар үшін 497,7 теңге, болжамды бағам 540 теңге болған кезде түсімдер шамамен 146 млрд теңгеге азайды. Осылайша, сыртқы баға конъюнктурасы, оның ішінде бағамдық айырма республикалық бюджет кірісінің негізгі шектеушісі болды», — деп түсіндірді Қаржы министрлігінің басшысы.
Сонымен қатар, ол салықтық түсімдер бойынша өсім 2025 жылдың бірінші тоқсанымен салыстырғанда 20% немесе 1 трлн теңгеге артық болғанын атап өтті.
«Импортталатын тауарларға ҚҚС бойынша түсімдер 165 млрд теңгеге артты. Оның ішінде, алдын ала мәліметтер бойынша, ҚҚС мөлшерлемесін арттыру есебінен түсімдердің өсімі шамамен 80 млрд теңгені құрайды», — деп түсіндірді Тақиев.
Ол атап өткендей, республикалық бюджет үшін мұнай бағасының өсуінен тікелей оң әсер ең алдымен мұнайға экспорттық кедендік баж салығы бойынша көрінді, онда «қосымша 40,5 млрд теңге қамтамасыз етілді».
