Ресей премьер-министрінің орынбасары Александр Новактың айтуынша, бірқатар зауыттардың істен шығуы бензин мен дизель отынының жеткізілуіне кері әсер етіп, кей өңірлерде ұзын-сонар кезектердің пайда болуына себеп болған.
10 шілдеде журналистермен кездескен Александр Новак Ресейде жанармаймен қамтамасыз ету мәселесі бар екенін айтты.
Бұрындары федералдық билік Ресейде отын тапшылығы мұнай өңдеу зауыттарына украиналық дрондардың соққысынан туындады деп мойындаудан жалтарған болатын, деп жазады The Insider.
8 шілдеде РФ президенті Владимир Путиннің үкіметпен кездесуінде Новак Қарулы Күштердің шабуылына байланысты «бензин мен дизель өндірісі көлемінің ішінара қысқаруы» туралы ғана мәлімдеді.
Отын дағдарысымен күресу үшін Ресей үкіметі бірқатар шаралар қабылдады, атап айтқанда бензин мен дизель отынын экспорттауға тыйым салды.
«Біз проблемалар бар екенін және тапшылықтың барын мойындауымыз керек. Сол тапшылықтың салдарынан кей жерлерде кезектер пайда болып жатыр», – деді ол.
Новактың сөзінше, мұның басты себебі – Украина дрондарының шабуылынан кейін мұнай өңдеу зауыттарының бір бөлігінің уақытша істен шығуы. Соның салдарынан өндіріс көлемі азайып, ішкі нарықта жанармай жетіспеушілігі туындаған.
Жанармай дағдарысының салдарын азайту мақсатында Ресей үкіметі бірқатар шектеу шараларын енгізді. Атап айтқанда, бензин мен дизель отынын экспорттауға уақытша тыйым салынды. Билік осылайша ішкі нарықты жанармаймен тұрақты қамтамасыз етуді көздеп отыр.
- Ресейдегі жанармай дағдарысы мен отын тапшылығы кем дегенде 50 аймаққа және осы аумақтарда тұратын миллиондаған тұрғынға (немесе жүргізушілер мен автокөлік иелерінің басым көпшілігіне) тікелей әсер етті.
- Мәскеу, Санкт-Петербург сияқты ірі мегаполистерде жанар-жағармай бекеттерінде шектеулер енгізіліп, адам басына 10–20 литрден артық бензин сатылмаған кездер болды.
- Экспортқа тыйым салу: Ішкі нарықты қамтамасыз ету мақсатында дизель отыны сияқты маңызды ресурстарды экспорттауға тыйым салынды немесе қатаң шектелді.
- Ресейлік мұнай өңдеу зауыттарының жұмысы баяуласа немесе Мәскеу экспортқа қосымша шектеу енгізсе, Орталық Азия елдері балама жеткізушілердің бірдей көлемдері үшін бәсекеге түседі, деп жазды Teniz Capital сарапшылары.
- Бұл дағдарыс Ресей нарығына тәуелді Орталық Азия елдерінің (оның ішінде Қырғызстан мен Тәжікстан) логистикасы мен отын бағасына да жанама әсер етті. Дегенмен, Қазақстанның Энергетика министрлігі бұл жағдайдың Қазақстанның ішкі отын нарығына тікелей әсер етпейтінін ресми мәлімдеді. Еліміз қажетті қор мен отын балансын толық қалыптастырған
