Алматыда 2030 жылға дейін ескірген және сейсмикалық қауіпті 1400-ге жуық үйді бұзып, орнына жаңа көпқабатты үйлер салуды көздейтін реновация бағдарламасы бекітілген. Жалпы саны 676 ескі ғимаратты (шамамен 7500 тұрғын) жаңарту жоспарлануда.
Қаланың тұрғын үй қорын 2030 жылға дейін жаңартудың жаңа бағдарламасына екі қабатқа дейінгі ескі және апатты көп пәтерлі ғимараттар енгізілген. Олар 1930-1980 жылдар аралығында салынған. Сонымен қатар, тізімге жеке тұрғын үй құрылыстары, өнеркәсіптік, коммерциялық, қоғамдық және аумақ пен инфрақұрылым құрылысын кешенді өзгертуді талап ететін өзге де нысандар кірді.
Мегаполисте 1 403 ескі тұрғын үй ғимараты бар, оларды жөндеу қажет.
Оның ішінде:
- Жетісу ауданы: 141 үй;
- Әуезов ауданы: 65 үй;
- Түрксіб ауданы: 585 үй;
- Медеу ауданы: 82 үй;
- Алмалы ауданы: 135 үй;
- Бостандық ауданы: 269 үй;
- Алатау ауданы: 102 үй;
- Наурызбай ауданы: 24 үй.
Сейсмикалық қауіпті учаскелер
Тектоникалық бұзылуларда 734 пәтерлі 71 үй бар.
Оның ішінде:
- Алатау ауданы — бір үй (тоғыз пәтер);
- Алмалы ауданы — жеті үй (65 пәтер);
- Әуезов ауданы — бір үй (сегіз пәтер);
- Бостандық ауданы — 39 үй (410 пәтер);
- Жетісу ауданы — 10 үй (106 пәтер);
- Медеу ауданы — 13 үй (136 пәтер).
Иелеріне не болады
Бағдарлама инвестордың немесе уәкілетті ұйымның қоныс аудару қорына тұратындардың санына қарамастан, техникалық паспорттарға сәйкес «бөлме үшін бөлме» қағидаты бойынша көшуді көздейді.
Берілетін тұрғын үй меншікке беріледі және уақытша болып табылмайды.
«Қоныс аударудың ұсынылған шарттарынан бас тартқан жағдайда меншік иесі ескі үйде тұруды жалғастыруға құқылы. Бұл ретте тозығы жеткен тұрғын үйді одан әрі пайдалануға байланысты тәуекелдерді мұндай меншік иесі өз бетінше қабылдайды», — деп түсіндірді ӘКК-де.
2026 жылы жол картасы аясында 1 165 ескі пәтердің меншік иелерін қазіргі заманғы жайлы тұрғын жайларға көшіру жоспарланған.
