Алматы қаласының әкімі Дархан Сатыбалдының тапсырмасы бойынша құрылыс саласындағы тәртіпті сақтау үшін жүйелі жұмыстар жалғасып жатыр.
Тексерулер нәтижесінде 4 құрылыс компаниясы лицензиясынан толық айырылды, ал 350 компанияның лицензиясы уақытша тоқтатылды. Бұл шаралар қалалық әкімдіктің бақылауымен құрылыс саласындағы заңбұзушылықтардың алдын алу мақсатында жүзеге асырылуда.
Тексеру жұмыстарының негізгі көрсеткіштері
- 4 компания – лицензиясынан мүлде айырылды.
- 350 компания – лицензиясының қолданылуы уақытша тоқтатылды.
- 437 нысан – қала бойынша түрлі заңбұзушылықтар мен талаптардың орындалуына қатысты бақылауға алынды.
- Бұған дейін, яғни 2025 жылдың қорытындысы бойынша да 8 компания лицензиясынан айырылған болатын.
Қала құрылысын бақылау басқармасының өкілдері Алматыда өз біліктілігін дәлелдей алатын, белгіленген талаптарды сақтайтын және құрылыс жұмыстарының сапасын қамтамасыз ететін компаниялар ғана жұмыс істей алатынын ескертті.
Былтырғы жылдың қорытындысы бойынша сегіз құрылыс компаниясы лицензиясынан айырылған болатын. Олардың басым бөлігі әлеуметтік нысандардың құрылысымен айналысқан.
