Бұл 2023 жылмен салыстырғанда 14,5%-ға төмен.
Ал Ұлттық статистика бюросының өзекті деректері 2025 жылдың басында Қазақстанда ресми тіркелген тұрғын үй қоры 2,26 млн жеке тұрғын үй мен 6,06 млн астам пәтерге жеткенін дәйектейді.
Ал жоғарыдағы ақпаратты «Евразия» сақтандыру компаниясы талдаушылардың деректеріне сүйене келе мәлімдеп отыр. 2023 жылдың аяғында жылжымайтын мүлікті сақтандырудың 256 мың шарты қолданыста болса, бұл 8,1 млн. бірліктен астам жылжымайтын тұрғынжай объектілерінің 3,16%-ы. Сонымен 2024 жылдың қорытындысы бойынша сақтандыру өтемінің көлемі 8,3 млн объектіден 2,63%-ға дейін төмендеді.
Сақтандыру шарттарының кеміп жатқанына қарамастан, сақтандыру компанияларының жеке тұлға – клиенттер алдындағы міндеттемелерінің жалпы көлемі 2023 жылғы 2,97 трлн теңгеден 2024 жылы 3,12 трлн теңгеге дейін өскен.
- Сақтандыру шарттарының саны азаайып жатса да осы мәннің өсуі, оның ішінде сақтандырылған объектілердің нарықтық құнының ұлғаюының дәлелі болуы мүмкін.
- Жылжымайтын мүлікті сақтандырудың бір шарты бойынша жауапкершіліктің орташа көлемі 2023 жылы 11,6 млн теңге болса, бұл сан 2024 жылы 14,3 млн теңгеге дейін өсті.
Осы жағдайға қатысты «Евразия» СК басқарма төрағасының орынбасары Нұржан Джантуреев:
«Жылжымайтын мүлікті сақтандыру көлемінің азаюы ең алдымен өткен жылы ипотекалық кредиттеудің өсу қарқынының төмендеуінен туындады. Қазақстанда жылжымайтын мүлікті ерікті сақтандыру нарығы жеткілікті дамымаған және көбінесе банктік кредиттеуге байланысты. Дегенмен, өз тұрғын үйі үшін сақтандыру өтемақысын алуға өз бетінше жүгінетін клиенттер саны өсіп келе жатқанын атап өткен жөн», – дейді.
«Евразия» СК талдаушыларының мәліметінше, ипотекалық кредиттеуді есептемегенде жылжымайтын мүліктің 0,2%-дан азы ерікті сақтандырумен қамтылған. Бұл ретте «Евразия» СК жылжымайтын мүлікті сақтандыру полисіне өз бетінше жүгінген клиенттердің жыл сайын өсіп отырғанын атап өтеді. 2024 жылы мұндай клиенттердің саны 2023 жылмен салыстырғанда 52,4%-ға өсті, нәтижесінде шарттар саны 5,1 мыңнан асты.
2025 жылдың алғашқы үш айында «Евразия» СК-де жылжымайтын мүлікті ерікті сақтандыру бойынша жаңа шарттардың саны өткен жылдың сәйкес кезеңімен салыстырғанда 17,1%-ға өсті
«Өткен жылғы елеулі апатты тәуекелдерге – жер сілкінісі мен су тасқынына қарамастан, халық өз тұрғын үйлерін сақтандыру үшін өз бетінше жүгінуге асықпайды. Өсім негізінен төмен базаның есебінен жүзеге асып отыр. Осыған байланысты жылжымайтын тұрғынжайды міндетті сақтандыру тетіктерін әзірлеуге бағытталған Қаржы нарығын реттеу және дамыту агенттігі жүргізетін жұмыстың айрықша маңыздылығын атап өткен жөн», – дейді Нұржан Джантуреев.
