Банктер клиенттерге төлемдер мен аударымдар бойынша тарифтердің өсуі туралы олардың өзгеруіне дейін үш ай бұрын хабарлауын заңдастыратын бастаманы Қаржы нарығын реттеу және дамыту агенттігі (қНДРА) ұсынды.
Ведомство әзірлеген қаулы жобасы жария талқылауға шығарылды, ол 21 шілдеге дейін жалғасады. Клиенттерге төлемдер мен аударымдар бойынша тарифтердің өсуі туралы хабарлау талабынан басқа, реттеуші банктерді өздерінің интернет-ресурстарында банктік қарыз бойынша ай сайынғы төлемдерді есептеу үшін онлайн-калькуляторларды орналастыруға міндеттегісі келеді.
Сонымен қатар, құжатқа сәйкес банктер қаржы ұйымдары бөлімшелерінің мүгедектігі бар адамдарға және халықтың басқа да аз қозғалатын топтарына қызмет көрсету бойынша қолжетімділік стандарттарын ескеріп, азаматтардың осындай топтарына қызмет көрсету тәртібін анықтауы тиіс.
Сондай-ақ, клиенттердің өтініштерін қарау мерзімі белгіленеді.
Бұл не үшін керек?
Қаулы жобасы қаржылық қолжетімділікті арттыруға, кредит беру шарттарының ашықтығын күшейтуге, қаржылық қызметтерді тұтынушылардың құқықтарын қорғауға және клиенттік қызмет көрсету сапасын арттыруға бағытталған.
