Үкімет халыққа тағы жоғары мінберде тұрып уәде берді: Биыл елдегі инфляция деңгейін 10 пайыздан асырмауға ниетті.
Маусымдағы инфляция көрсеткіші 10,3 пайызды құраған. Бұл туралы Үкімет отырысында Премьер-министрдің орынбасары – Ұлттық экономика министрі Серік Жұманғарин хабарлады. Оның айтуынша, биыл Үкіметтің алдында үлкен міндет тұр: ол – инфляция деңгейін 10%-дан төмен түсіру.
Серік Жұманғарин инфляцияның 10,3%-ға дейін баяулауын мемлекеттік органдардың бірлескен жұмысының нәтижесі деп түсіндірді.
«Бұл 2026-2028 жылдарға арналған макроэкономикалық тұрақтандыру және халықтың әл-ауқатын арттыру бағдарламасы, инфляцияны бақылау және төмендету жөніндегі шаралар кешені және басқа да қабылданып жатқан шаралар аясындағы Үкіметтің, Ұлттық банктің және ҚНРДА-ның келісілген іс-қимылдарының нәтижесі»,- деді ол.
Оның айтуынша инфляцияны ауыздықтау үшін елде теңгерімді тариф саясаты жүргізіліп жатыр. Жыл басында коммуналдық қызмет пен жанармай бағасын өсіруге мараторий жарияланғаны белгілі.
Қаржы консультанты Расул Рысмамбетов инфляция деңгейінің 10% аспау шарттарын атады.
«Өңірлерде ӘКК арқылы өңірлер арасындағы арзан өнімдер логистикасы мен тұрақтандыру қорларындағы сыбайлас жемқорлық деңгейін төмендету бойынша белсенді жұмыс істеу маңызды», — деп пікір білдірді Рысмамбетов өзінің Telegram-арнасында.
Сарапшының пікірінше, жыл соңына қарай Қазақстандағы инфляция деңгейі мынадай жағдайларда 10% -дан төмен болуы мүмкін:
- мемлекеттік шығыстарды қатаң бақылау;
«Әсіресе, Ұлттық қордан нақты экономика секторына салынатын қаржы саясаты қатаң болуы тиіс», — деп жазады Рысмамбетов.
