Президент Қасым-Жомарт Тоқаев қылмыстық істер бойынша өзара құқықтық көмек туралы Еуропалық конвенцияны ратификациялау туралы заңға қол қойды.
Не өзгереді?
Құжат Қазақстанға басқа елдерден көмек сұрауға мүмкіндік береді. Оның ішінде:шетелге шығарылған мүлікті іздестіру және оған тыйым салу;дәлелдемелер алу;басқа да тергеу әрекеттерін жүргізу. Бірақ маңызды шарт бар: мүлікті іздеу немесе бұғаттау туралы сұрау тек қос тараптың заңында да қылмыс болып саналса ғана орындалады. Яғни Қазақстанда қылмыс емес, Еуропада қылмыс іс үшін активті бұғаттай алмайды.
Тағы не бар?
Консулдық хабарлама: Шетел азаматы ұсталса, ол талап еткен жағдайда ғана оның консулдығына хабар беріледі. Мерзім: Адамды шақыру үшін шақыру қағазы белгіленген күннен 50 күн бұрын жіберілуі керек. Тіл: Қазақстанға келетін барлық сұрау салулар қазақ немесе орыс тіліне аударылып келуі тиіс. Орталық органдар кім? Сотта қаралып жатқан істер бойынша – Жоғарғы сот; Қалған барлық сұрау салулар бойынша – Бас прокуратура.
Бұл активтерді қайтаруға қалай әсер етеді?
Бұл конвенция «Қазақстан енді барлық заңсыз активті қайтарады» деген сөз емес. Ол – қосымша құрал ғана. Шетелге шығарылған активті іздеу, бұғаттау және қайтару мүмкіндігін кеңейтеді, бірақ халықаралық бюрократия мен екі ел заңының сәйкес келуі керек деген лабиринт сақталады.
