Әзірбайжан мен Грузия Баку-Супса мұнай құбырын қайта іске қосуға келісті. Бұл туралы Грузияның Экономика және тұрақты даму министрлігінде хабарлады.
Құжатқа Грузияның үкіметтік делегациясының Әзірбайжанға сапары кезінде қол қойылды. Соңғы нүктесі Қара теңіз Супса мұнай терминалы болып табылатын Баку-Супса мұнай құбыры арқылы мұнай айдау 2022 жылдың көктемінде тоқтатылды. Осыдан кейін Әзірбайжаннан мұнай экспорттаудың негізгі жолы Баку — Тбилиси — Джейхан құбыры болды. Соның ішінде Әзірбайжан арқылы экспортталатын қазақстандық мұнайдың бір бөлігі.
Баку-Супса мұнай құбырын іске қосу бірінші кезекте оны SOCAR әзірбайжандық мемлекеттік мұнай компаниясының пайдалануын көздейді. Алайда ол бойынша әлеуетті түрде қазақстандық мұнай да экспортталуы мүмкін. Бұл туралы 2024 жылы бұрынғы энергетика министрі Алмасадам Сәтқалиев мәлімдеген болатын.
Энергетика министрлігінің мәліметінше, 2025 жылы Қазақстан 78,7 миллион тонна мұнайды, негізінен КҚК құбыры арқылы экспорттады. Егер Қазақстаннан мұнай Баку-Супса мұнай құбыры арқылы тасымалданса, оған жалпы мұнай экспортының шамамен 4% -ы тиесілі болады.
