Келесі айдан бастап мемлекеттік аудиторлар салық төлеушілердің жазбаша келісімінсіз бизнестің салық құпиясын ашуға рұхсат беретін жаңа ережелерді Жоғары аудиторлық палата мен Қаржы министрлігі бекітті.
Бұрын салық органдары компания немесе кәсіпкер туралы құпия деректерді оның жазбаша рұқсатынсыз бере алмайтын. Енді бұл тосқауыл алынып тасталды. Салық органы аудиторларға тексерілушіге жүгінбей, сұрау салу бойынша ақпарат беруге міндетті.
Мемлекеттік аудиторлар салық төлеушілердің дербес шоттары,салық нысандары, тексеру нәтижелеріне қол жеткізе алады. Бұдан басқа олардың құқықтары төмендегі жайттармен байыды,
• берешектер, қайтарымдар мен есептеулер туралы ақпарат,
• талдау есептері,
• тауарлар, өнім берушілер мен алушылар туралы мәліметтерді қоса алғанда, электрондық шот-фактуралардың деректері.
Билік өзгерістерді бюджет шығыстарын тексеруді жеделдету, салықтардың толық төленуін бақылау және салықтық жеңілдіктердің негізділігін тексеру қажеттілігімен түсіндіреді. Жоспар бойынша, жаңа тәртіп аудиторларды тексерілетін компаниялар тарапынан бюрократиялық кідірістерден құтқарады.
