Банк жарналарын енгізу ережелерін, мөлшерін және мерзімдерін бекіту туралы ҚНДРА мен Ұлттық банктің бірлескен қаулысының жобасы «Ашық НҚА» -да жарияланды.
Құжатқа сәйкес, міндетті ақшалай жарнаның шекті мөлшері банк міндеттемелері сомасының 0,2% -нан аспайтын мөлшерде белгіленеді. Жарналарды жергілікті және шетелдік резидент емес банктер төлейтін болады.
Өтеуге жататын қаражат сомасы банктер арасында олардың мiндеттемелерiнiң мөлшерiне барабар бөлiнедi.
«Банктің, резидент емес банк филиалының міндетті ақшалай жарнасының мөлшері өтеуге жататын қаражаттың жалпы сомасын осы банктің міндеттемелері сомасының қаржы институттары міндеттемелерінің жиынтық сомасына қатынасына көбейту жолымен айқындалады», — деп түсіндіріледі қаулыда.
Егер өтеуге жататын қаражат сомасы міндетті ақшалай жарнаның жылдық шекті көлемінен асып кеткен жағдайда, олар өтеуге жататын соманың қалдығы көрсетілген көлемнен аз болған кезге дейін жыл сайын төленуге тиіс.
Егер өтеуге жататын қаражат сомасы мiндеттi ақша жарналарының шектi жылдық көлемiнен аспаған жағдайда, мiндеттi ақша жарналары олардың мiндеттемелерiнiң жиынтық сомасындағы әрбiр банктiң үлесiне барабар бiр мезгiлде алынады.
Міндетті ақшалай жарналар ұлттық валютада уәкілетті органнан хабарлама алған күннен бастап күнтізбелік 30 күн ішінде бірыңғай қазынашылық шотқа аударылады.
Жекелеген жағдайларда банктерге мiндеттi ақшалай жарнаны төлеудi кейiнге қалдыру, бiрақ алты айдан аспайтын мерзiмге берiлуi мүмкiн.
Жеке қаулымен жүйелік маңызы бар банкті реттеуге бағытталған мемлекеттік инвестициялық жобаларды іске асыру ережелері бекітіледі. Құжатқа сәйкес, үкімет немесе ұлттық басқарушы холдинг реттеу режиміндегі жүйелік маңызы бар банктің акцияларын не реттеу режиміндегі жүйелік маңызы бар банктің активтері мен міндеттемелері берілетін тұрақтандыру банкінің акцияларын сатып алады. Бұл ретте белгілі бір банкті құтқаруға мемлекеттің қатысуы жөніндегі түйінді шешімдерді Қаржылық тұрақтылық жөніндегі кеңес қабылдайды. Жүйелік маңызы бар банкті құтқару мемлекеттік қаражат есебінен орындалуы мүмкін.
Бұдан басқа, реттеушілер банктің қаржылық тұрақтылығының нашарлауының қаржылық-экономикалық және өзге де белгілерінің нақты мәнін белгілейді.
Қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
