Freedom HoldingCorp бас атқарушы директоры Тимур Турлов АҚШ және ЕО нарықтарындағы қызметті кеңейту жөніндегі жоспарлар туралы, еуропалық нарық кем дегенде 50 млн жаңа клиенттер әкеле алатынын, ал әлеуетті пайда $50-100 млрд. бағаланатынын атап өтті.
«ЕО — ірі нарық, 400 млн астам клиент. Менің ойымша, тіпті 50 млн клиент те біз үшін таяу жылдарға тым өршіл мақсат болмауы тиіс. Біз осындай функционалдығы мен тәжірибесі бар цифрлық банк тек Қазақстан нарығында ғана бәсекеге қабілетті болмайтынын нақты түсінеміз. Біз осы экспансияға техникалық жағынан да, маркетинг пен реттеуші сала бойынша да дайынбыз», — деді Т. Тұрлов.
Алдын ала бағалау бойынша еуропалық нарыққа шығу 1,5-2 жыл алуы мүмкін. АҚШ-қа келетін болсақ, бастапқыда компания жергілікті нарыққа Banking as a Service (BaaS) моделі бойынша шығуды жоспарлап отыр.
«Біз ұзақ уақыт бойы инвестиция салып келеміз және бұл біздің акционерлерге миллиардтаған доллар пайда әкелетініне сенімдіміз. Біз Қазақстанның сандық инфрақұрылымына салынатын ұзақмерзімді салымдар бірнеше мәрте өзін ақтап, бізді Орталық Азиядағы ең мықты сандық ойыншыға айналдырады деп күтеміз. Менің ойымша, тек осы бағыт ғана бізге миллиардтаған капиталдандыру долларын бере алады», — деп есептейді Т. Турлов.
Айта кетейік, 2026 қаржы жылында компания бір жыл бұрынғы кезеңдегі $2 044,2 млн-мен салыстырғанда $2 191,3 млн көлеміндегі жиынтық түсімді көрсетті. Таза пайда $153,3 млн. дейін өсті Холдингтің жиынтық активтері $13,2 млрд. асты
Бұған дейін Freedom Bank Қазақстанда Bank of New York Mellon BNY-де АҚШ долларымен тікелей корреспонденттік шот ашқан болатын. Сондай-ақ, Т. Турлов SPO өткізу үшін Гонконг биржасын таңдау себептері туралы айтып берді.
