Осы уақытқа дейін квазисектордағы кейбір ұйымдардың тұн ұйқысын төртке бөлген Әлихан Смайылов басқаратын жоғары аудиторлық палата (ЖАП) 2025 жылғы республикалық бюджеттің орындалуын май шаммен қарай бастады.
- Олардың мәліметінше, 2025 жылы бюджет түзетусіз орындалуға тиіс болғанымен, Бектенов бастаған министрлер кабинеті оны сегіз рет түзеткен.
- бастапқы бюджеттік жоспардың тиімсіздігінен туындаған мәселелерді жасырған
- қаражат көлемінің 90%-ы қысқарған.
«Салықтық бақылау сапасы төмендеп, 2025 жылы салықтық есептеулерге байланысты сот шағымдары екі есеге өсті. Соңғы төрт жылда соттар шағымның жартысынан көбін салық төлеушілердің пайдасына шешкен», – деп атап өтті ЖАП мүшесі Юлия Энгель.
Сондай-ақ, бюджет Ұлттық қордың қаражатына тәуелді болып отыр. 2025 жылы Ұлттық қордан трансферттер көлемі 5,3 трлн теңгені құраған. Бұл қаражаттың ішінде стратегиялық маңызы жоқ 107 жоба 41,4 млрд теңгеге қаржыландырылған.
«Жоспарлаудың сапасыздығынан жобалардың 14%-ы іске аспай қалды. Кейбір жобалардың құны да негізсіз белгіленген», – деп түсіндірді Энгель. ЖАП мәліметінше, ұлттық жобалар да бастапқы стратегиялық мәнін жоғалтқан. 2025 жылы ұлттық жобаларды қаржыландыру жоспардан 38%-ға орындалмай қалған
