«Отбасы банктің» ІРО-ға (акцияларды бірінші рет жария орналастыру) дайындығы — Қазақстанның қаржы нарығында ең көп талқыланатын тақырыптардың бірі.
Қаржы сарапшылары осы бастаманы былайша бағалайды:
Жеңілдіктерді жоғалту: Сарапшылар жария компанияға трансформациялау кезінде банк жеңілдікті тұрғын үй мемлекеттік бағдарламаларының операторы мәртебесі сияқты бірқатар мемлекеттік артықшылықтарды жоғалтуы мүмкін екенін көрсетеді.
Нalyk Finance пікірінше, IPO-ға шыққан кезде Отбасы банк өзінің мемлекеттік артықшылықтарын жоғалтуы мүмкін. Атап айтқанда, жаңа акционерлер банкті трансформациялауды талап ете бастауы мүмкін.
Halyk Finance бес жыл мерзімге Отбасы банкінің облигацияларын сатып алу туралы инвесторларға ұсынымдар бере отырып, қаржы институты үшін ықтимал тәуекелдерді бағалады. Елдік рейтингке байланыстыру, «Бәйтерек» холдингі тарапынан қолдауды және Қазақстанның өзі үшін экономикалық тәуекелдерді қысқарту мүмкіндігінен басқа, банктің әлеуетті проблемаларының қатарында IPO арқылы нарықта акцияларды орналастыру мүмкіндігі де бар.
Сарапшылардың пайымдауынша, «Отбасы» IPO өткізу кезінде банк бірқатар мемлекеттік артықшылықтарын жоғалтуы мүмкін — мемлекеттік бағдарламалардың рөлі төмендейді, субсидиялар мен жеңілдікті шарттар қысқарады. Бұл ретте тұрғын үй құрылысы жинақтары нарығында ол монополиялық жағдайын жоғалтуы мүмкін.
Жекешелендіру кезінде акционерлер Отбасы банкінің әмбебап қаржы институтына айналуын күтеді, бұл банктің ағымдағы қаржылық моделіне және оның әлеуметтік миссиясына қысым жасауы мүмкін.
Бұған дейін Отбасы банкі басқармасының төрайымы Ләззат Ибрагимова банк нарықта акцияларды орналастыру кезінде (ІРО) инвесторлар үшін тартымды болатынын айтқан болатын. Банктің артықшылығы ретінде ол мемлекет тарапынан қаражаттың жұмсалуына сенімділік пен ұдайы бақылауды атап өтті.
