Қаржы министрі Мади Такиев Бюджет тапшылығын жабу үшін халықаралық қаржы ұйымдарынан тағы қарыз аламызды айтты.
Бұл жолы 154,7 млрд жапон иенді Жапониядан аламыз. Бұл қаражат экономиканың маңызды бағыттарын қаржыландыруды қоса алғанда, үкіметтің бірінші кезектегі шараларын қолдауға мүмкіндік береді. Қарыздар бес жылдық жеңiлдiк кезеңiн қоса алғанда, өтеу мерзiмi 11 жыл берiледi. Олар бойынша міндеттемелер қаржы шарттарына сәйкес республикалық бюджет қаражаты есебінен жүзеге асырылады.
М. Тақиевтың айтуынша, рбір қарыз нақты бағдарлама мен көрсеткіштер жиынтығына байланысты. Экономиканың тұрақты өсу бағдарламасы бар және онда көрсеткіштер көп. Олар орындалмаған немесе бұл қаражат игерілмеген жағдайда банкпен жасалған шарт бұзылуы мүмкін. Бірақ мұндай оқиғалар ешқашан болмағанын атап өткім келеді.
«Мысалы, біз банкке осы қаражат есебінен 100 шақырым жол саламыз деп айтамыз. Егер біз бұл көрсеткішке қол жеткізбесек, онда шарт бұзылады. Немесе біз 5 мың оқушы орнын қамтамасыз етеміз дейміз. Егер салуға үлгермесек, шарт бұзылады. Яғни бұл бағдарлама бойынша жұмыс істейді», — деп жауап берді министр.
Министрдің айтуынша, біз шетелден 1%, ең көп дегенде 2% қарыз аламыз.
«Бізге де бес жылдық жеңілдікті кезең ұсынылуда, сондықтан біз осындай шешімге келдік», — деп түйіндеді Қаржы министрлігінің басшысы.
