Акциялар нарығын капиталдандыру жыл басынан бері 21,9% -ға немесе 8,6 трлн теңгеге өсіп, 47,6 трлн теңгеге (97,9 млрд, АҚШ доллары) жетті. Бұл ретте екінші тоқсанның қорытындысы бойынша капиталдандыру 2,7% -ға немесе 1,2 трлн теңгеге — негізінен KASE индексіне кіретін компаниялар акциялары бағасының өсуі есебінен ұлғайды.
Маусымның аяғында биржаның сауда тізімінде 75 эмитенттің 88 атаудағы акциялары болды. 2026 жылдың алты айында акциялармен сауда-саттық көлемі 225,9 млрд теңгені құрады, бұл 2025 жылдың бірінші жартыжылдығына қарағанда 38,3% -ға (немесе 62,5 млрд теңгеге) артық. Сауда-саттықтың орташа күндік көлемі 1,9 млрд теңгеге жетті, мәмілелердің орташа күндік саны — 10 024, бір мәміленің орташа көлемі — 191,0 мың теңге. Екінші тоқсанда сауда-саттық көлемі бірінші тоқсанмен салыстырғанда 92,2% -ға (71,3 млрд теңгеге) өсіп, 148,6 млрд теңгені құрады. Қайталама нарықтағы инвесторлардың негізгі санаттарының ішінде: жеке тұлғалар — акциялармен мәмілелердің жиынтық көлемінің 50,4%; өзге де заңды тұлғалар — 27,9%; брокерлік-дилерлік ұйымдар — 17,7%; басқа да институционалдық инвесторлар — 3,5%; банктер — 0,4%. Резидент еместердің үлесі 11,4% -ды құрады.
KASE индексі тарихи максимумды жаңартты 2026 жылдың бірінші жартыжылдығында KASE индексі өсуін жалғастырды. Сауда-саттық қорытындысы бойынша 21 сәуірде кезекті тарихи максимум — 7 972,88 тармақ тіркелді. Жыл басынан бері индекс 9,7% -ға 7 712,53 тармаққа дейін өсті. Бұл ретте екінші тоқсанда индекс 0,3% төмендеді. Индекстік акциялармен сауда-саттықтың жалпы көлемі 142,9 млрд теңгені құрады. Ең үлкен көлем «ҚазМұнайГаз «ҰК» АҚ жай акцияларына тиесілі — 29,4 млрд теңге (жалпы көлемнің 20,6%). Бірінші жартыжылдықтың қорытындысы бойынша ең жоғары өсімді «ҚазМұнайГаз «ҰК» АҚ жай акциялары көрсетті, олар мұнай бағасының өсуі аясында 56,5% — бір акция үшін 21 720 теңгеден 33 990 теңгеге дейін қымбаттады. 2025 жылғы есептілік бойынша компанияның түсімі 12,5% -ға 9,4 трлн теңгеге дейін өсті, ал таза пайда 2,0% -ға 1,1 трлн теңгеге дейін қысқарды.
Алайда 2026 жылдың бірінші тоқсанында таза пайда 93,8% -ға 373,1 млрд теңгеге дейін өсті. Акционерлердің жылдық жиналысы 2025 жылға 350 млрд теңге немесе бір акцияға 573,66 теңге мөлшерінде дивидендтер бекітті. Екінші орын — «Қазатомөнеркәсіп «ҰАК» АҚ-ның 22,5% (28 059 теңгеден 34 360 теңгеге дейін) қосқан жай акцияларында. 2025 жылы уран өндіру және сату көлемі 11% -ға өсті, 2026 жылы өндірісті 27,5-29,0 мың тоннаға дейін ұлғайту жоспарланып отыр. Жылдық жиналыс 2025 жылға 335,2 млрд теңге немесе бір акцияға 1 292,27 теңге көлемінде дивидендтерді бекітті. Үшінші орын — «ҚазТрансОйл» АҚ 19,4% өсіммен (950-ден 1 133,99 теңгеге дейін). 2025 жылы магистральдық мұнай құбырлары жүйесі бойынша 45 млн тонна мұнай тасымалданды — соңғы жеті жылдағы рекорд. Түсім 14,6% -ға 357,5 млрд теңгеге дейін, таза пайда 7,4% -ға 45,6 млрд теңгеге дейін өсті.
Fitch Ratings компанияның «BBB» деңгейіндегі кредиттік рейтингін, «Тұрақты» болжамын растады. Kaspi.kz акциялары 3,8% (40 390 теңгеден 41 905 теңгеге дейін) өсті. 2025 жылы таза пайда 1,0% -ға 1,1 трлн теңгеге дейін, кіріс 59,8% -ға 4,0 трлн теңгеге дейін өсті. Жылдық жиналыс акцияға 850 теңге, ал кезектен тыс жиналыс 2026 жылдың бірінші тоқсанына тағы 850 теңге мөлшерінде дивидендтер бекітті. Moody’s компанияның «Baa3» деңгейіндегі ұзақ мерзімді рейтингін, «Тұрақты» болжамын растады. Төмендеуді «Эйр Астана» (-28,2%), «Қазақтелеком» (-7,7%), KEGOC (-7,1%), «Кселл» (-4,4%), Халық Банкі (-2,4%) және ЦентрКредит Банкі (-1,0%) акциялары көрсетті
