Өсімді шикізаттық емес салалар қамтамасыз етті.
Шетелдік сарапшылар инвестиция көлемі мен өнеркәсіптің өскенін атап өтті. Қазақстан халықаралық деңгейде шикізаттық экономика ретінде ғана емес, біртіндеп өсудің неғұрлым орнықты моделін қалыптастырып келе жатқан мемлекет ретінде қарастырыла бастады. Мұндай қорытынды Reuters сайтында жарияланған World Impact Media Organization аналитикалық есебінде келтірілген. Бұрын Қазақстан көбіне мұнай мен табиғи ресурстар арқылы бағаланса, бүгінде бұл көзқарас өзгерген: инвестициялық жобалар, өңдеу өнеркәсібі, логистика, энергетикалық инфрақұрылым және заманауи сервистердің рөлі артып отыр.
БСЖ мәліметінше, нақты сектор 5,1% -ды қосты, қызмет көрсету саласы 3,5% -ға өсті. ЖІӨ өсімінің 80%-дан астамын шикізаттық емес (өңдеу) секторлар қамтамасыз етіп отыр. Мұнай және газ сияқты базалық ресурстарға тәуелділікті азайту мақсатында экономикалық өсімді нақты секторлар мен қызмет көрсету салалары алға жетелеудес экономика 5% -дан астам ұлғайды. Өңдеу өнеркәсібі алғаш рет өндіруші өнеркәсіпті басып озды. Өнім шығару 9,8% -ға өсіп, тау-кен өндірісіндегі 15,9 трлн теңгеге қарағанда 16,2 трлн теңгеге жетті. Фармацевтика (+43,6%), дайын металл бұйымдарының (+39,9%), автомобильдердің (+31,6%), химиялық өнімнің (+20,7%) және тамақ өнімдерінің (+14,7%) өндірісі ең көп өсті.
Құрылыс басты драйверлердің бірі болып қала береді. Жұмыс көлемі 15,2% -ға өсті, ал тұрғын үйді пайдалануға беру 8,5 млн шаршы метрге жетті, бұл өткен жылмен салыстырғанда 6,7% -ға артық. Сауда 5,7%, көлік және логистика 7,1%, ауыл шаруашылығы 4,4%, байланыс 4,3% өсті.
Негізгі капиталға инвестициялар 9,6% ұлғайды. Әсіресе ақпарат пен байланысқа (2,3 есе), электрмен жабдықтауға (+61,4%) және өңдеуші өнеркәсіпке (+33,3%) салымдар едәуір өсті.
«Экономикалық өсімге негізгі үлесті қазір ішкі сұранысқа, қайта өңдеу мен инвестицияларға бағытталған салалар қамтамасыз етеді. Шикізат секторы экономиканың маңызды бөлігі болып қала береді, бірақ оның серпінін жалғыз өзі анықтай алмайды», — деп атап өтті экономист Руслан Сұлтанов.
Бұған дейін біз Қазақстанның сыртқы сауда айналымының жартысына жуығы екі елге тиесілі деп жазғанбыз. Қаңтар-сәуір айларында Қытаймен тауар айналымы 10,9 млрд долларды, Ресеймен 8,6 млрд долларды құрады Жалпы айналым өткен жылмен салыстырғанда 7,9% -ға ұлғайып, 44,9 млрд долларға жетті.
