Бұл шешім станцияларды жаңғырту, жөндеу науқандарын уақтылы өткізу және энергия жүйесінің сенімділігін арттыру мақсатында қабылданды. Министрліктің бұйрығына сәйкес, энергия өндіруші ұйымдар топтарға бөлініп, кейбір топтар үшін шекті тарифтер екі еседен астамға (110%-дан 121%-ға дейін) өсті.
Бұл шешім халықтың қалтасына қалай тиеді?
2026 жылдың 7 қыркүйегінде Энергетика министрлігі №336-н/қ бұйрығымен 60-тан астам энергия өндіруші ұйымдарға арналған ұзақ мерзімді шекті тарифтерді қайта бекітті. Құжат gov.kz және adilet.zan.kz-те жарияланып, «Ашық НҚА»-да қоғамдық талқылаудан өткен.
Бұл – 2026 жылдан 2032 жылға дейін өзгермейтін «7 жылдық тариф».
Негізгі себеп:
көмір, газ, логистика және жөндеу материалдарының қымбаттауы. Энергетиктердің өздері жоспардан тыс қайта қарауды сұраған. Жаңа тарифтер ең көп дегенде 3,3 есе өсті.
Станциялардың тарифі өскен соң, Бірыңғай сатып алушы, содан кейін РЭК пен ЭСО да бағасын көтереді. Мәселен, Алматы мен Алматы облысында 12 қыркүйектен бастап бөлшек тариф 8,2%-ға өсті. Бұл тек басы. 2. Инфляцияға соққы
Электр қымбаттаса, зауыт пен наубайхананың шығыны өседі. Кәсіпкерлер бұл шығынды нанның, сүттің, киімнің бағасына қосады. Яғни жалпы инфляция өседі.
Бірақ жарық сөніп қалмауы керек
Министрлік мұны «Тарифті инвестицияға алмастыру» деп атайды. Яғни қосымша ақша ЖЭО мен ГРЭС-ті жөндеуге, тозығы жеткен жабдықты ауыстыруға кетеді. Мақсат – қыста жарық пен жылудың өшіп қалуын, блэкаутты болдырмау.
Мемлекет не дейді?
Әлеуметтік соққыны азайту үшін тұрғындар үшін көлемге байланысты дифференциалды тариф сақталады. Яғни аз жұмсаң, аз төлейсің.Қорытынды:
Қысқа мерзімде бұл – халық пен бизнес үшін қымбатшылық.
Ұзақ мерзімде 2026-2032 жылдарға – бұл энергетикалық қауіпсіздік үшін мәжбүрлі қадам. 7 жыл бойы тариф өзгермейді. Яғни станциялар енді ақшаны жөндеуге жұмсауға міндетті. Бірақ сол ақшаны жұмсай ма, бақылау кімде? – деген сұрақ ашық қалып отыр.
