2026 жылғы 21 қазаннан бастап міндетті автосақтандыру (КҚИ АҚЖМ) бойынша сақтандыру төлемдері тек қолма-қол ақшасыз түрде – зардап шеккен пайда алушының банк шотына аудару арқылы ғана жүзеге асырылады.
Бұл шешім бастапқы кезде банк есепшоты немесе картасы жоқ (азаматтар үшін ақшаны алу процесі уақытша қиындық тудыруы мүмкін. Бірақ өтемақы ақшасы басқа үшінші тұлғалардың қолына түспей, тікелей зардап шеккен адамның шотына түсетініне кепілдік беріледі. Заң бойынша банк аударымдары мен ақшаны есепке жатқызуға байланысты барлық шығындарды сақтандыру компаниясы төлейді. Азаматтар ешқандай комиссия ұстамай, ақшаны толық көлемде алады.
Қаржы нарығын реттеу және дамыту агенттігінің түсіндіруінше, жаңа жүйе төлемдердің ашықтығын қамтамасыз етіп, ақшаның тікелей иесіне жеткізілуін қатаң бақылауға мүмкіндік бермек.
«Бұл реформалар сақтандыру төлемдерінің ашықтығын арттыруға, тұтынушылардың құқықтарын қорғауға және Қазақстанның сақтандыру нарығында цифрлық сервистерді одан әрі дамытуға бағытталған», – делінген хабарламада.
